प्रिन्स दाहालले ओलम्पिक खेल्ने

काठमाडौँ । नेपाली ब्याडमिन्टन खेलाडी प्रिन्स दाहालले पेरिस ओलम्पिकका लागि छनौट भएका छन् ।

प्रिन्सले आसन्न ओलम्पिकमा नेपालको तर्फबाट मेन्स सिंग्ल्समा प्रतिस्पर्धा गर्ने पक्का भएको हो । ब्याडमिन्टन वल्ड फेडेरेसनले युनिभर्सल कोटा अन्तर्गत प्रिन्सलाई ओलम्पिकमा छनोट गरेको हो ।

प्रिन्सले पछिल्लो समय ब्याडमिन्टन एसिया च्याम्पियनसिपमा उत्कृष्ट प्रर्दशन गरेका थिए । मुख्य राउण्डमा पुगेका उनी शीर्ष वरियता खेलाडीसँग पराजित भएका थिए ।

उनी लगातार अन्तराष्ट्रिय प्रतियोगितामा प्रतिस्पर्धा गर्दै आफ्नो वरियतालाई समेत अघि बढाउँदै लगेका थिए । उनी जुनियरतर्फ विश्व नम्बर एक सम्म पुगेका नेपालका खेलाडी हुन् ।