सावित्राले इजरायलको क्लबबाट खेल्ने

काठमाडौँ। नेपाली राष्ट्रिय फुटबल टोलीकी स्ट्राइकर सावित्रा भण्डारीले इजरायलको क्लबबाट खेल्ने भएकी छिन्। सावित्राले आगामी सिजनमा लागि इजरायलको शीर्ष डिभिजन क्लब हापोएल रानानासँग सम्झौता गरेकी हुन्।

क्लबले मंगलबार नै सामाजिक संजालमार्फत उनलाई अनुबन्ध गरेको पक्का गरेको छ।

सावित्राले भारतीय शीर्ष डिभिजन लिगमा तहल्का मच्चाएकी थिइन्। उनले १० खेलमा २९ गोल गर्दै गोकुलम करालालाई लगातार उपाधि दिलाएकी थिइन्।