इटालीलाई हराउँदै स्पेन नेसन्स लिगको फाइनलमा

एजेन्सी । स्पेन नेसन्स लिगको फाइनलमा प्रवेश गरेको छ । गएराति भएको खेलमा इटालीलाई २–१ गोलले पराजित गर्दै स्पेन उपाधिनजिक पुगेको हो ।

नेदरल्यान्ड्सको डी भेस्टे स्टेडियममा भएको खेलमा दोस्रो मिनेटमा नै स्पेनले यरेमी पीनोको गोलबाट सुरुवाती अग्रता बनाएको थियो ।

११ औं मिनेटमा कीरो इमोबिलले पेनाल्टीमार्फत गोल गर्दै इटालीलाई १–१ को बराबरीमा ल्याए । ८८ औं मिनेटमा जोसेलुले गोल गर्दै स्पेनलाई २–१ को जितसहित फाइनलमा पुर्याए ।

योसँगै अब उपाधिका लागि क्रोएसिया र स्पेनले आइतबार मध्यरातमा प्रतिस्पर्धा गर्नेछन् । क्रोएसियाले नेदरल्यान्ड्सलाई पराजित गरि फाइनलमा स्थान बनाइसकेको छ ।