Techie IT
२०८१ वैशाख २, आईतबार
NepaliPatra logo
गृहपृष्ठखेलआईपीएलः फाइनल पुग्न गुजरात र चेन्नई भिड्दै, हार्ने टिमलाई पनि अर्को मौका

आईपीएलः फाइनल पुग्न गुजरात र चेन्नई भिड्दै, हार्ने टिमलाई पनि अर्को मौका


एजेन्सी । इन्डियन प्रिमियर लिग (आईपीएल) को यस सिजनको क्वालिफायर–१ अन्तर्गत आज चेन्नई सुपर किंग्स र गुजरात टाइटन्सबीच खेल हुँदैछ ।

खेल चेन्नईको एमए चिदम्बरम स्टेडियम (चेपौक)मा साँझ ७ः४५ बजे सुरु हुनेछ । यी दुई टोली लिग इतिहासको प्लेअफमा पहिलो पटक आमनेसामने हुँदैछन् ।

गुजरातको यो दोस्रो सिजन मात्र हो । गत वर्ष टोली च्याम्पियन बने पनि चेन्नई समूह चरणबाटै बाहिरिएको थियो । यद्यपि, चेन्नई समग्रमा १२ औं पटक प्लेअफमा पुगेको छ ।

क्वालिफायर–१ को विजेता टोलीले फाइनलमा स्थान पक्का गर्नेछ । हार्ने टोलीसँग फाइनल पुग्ने थप एउटा मौका हुनेछ । उसले एलिमिनेटरमा विजेता टोलीविरुद्ध क्वालिफायर–२ मा प्रवेश पाउनेछ ।

चेन्नईले यो सिजन हालसम्म खेलेका १४ खेलमध्ये ८ जित र ५ हार बेहोरेको छ । साथै एक खेल वर्षाका कारण रद्द भएको थियो । महेन्द्र सिंह धोनीको कप्तानीमा रहेको चेन्नई १७ अंकसहित अंक तालिकाको दोस्रो स्थानमा रह्यो ।

टोलीका ओपनर डेभोन कोनवे र ऋतुराज गायकवाडले यो सिजन ६८८ रनको साझेदारी गरेका छन् । यस्तो अवस्थामा दुवैले आज खेल्ने हो भने टोलीले ठूलो स्कोर बनाउन सक्छ ।

डेभोन कोनवे, मोइन अली, मथिशा पाथिराना र महिश तिक्षाना गुजरातविरुद्धको टोलीका ४ विदेशी खेलाडी हुन सक्छन् । यी बाहेक ऋतुराज गायकवाड, तुषार देशपाण्डे र अजिंक्य रहाणे जस्ता खेलाडी उत्कृष्ट लयमा छन् ।

अर्कोतर्फ गुजरातले यो सिजन अहिलेसम्म खेलेका १४ मध्ये १० खेल जितेको छ भने चारमा मात्र हार बेहोरेको छ । हार्दिकको कप्तानीमा गुजरातले उत्कृष्ट प्रदर्शन गर्दै २० अंकसहित अंक तालिकाको शीर्ष स्थानमा रह्यो । टोलीले सिजनका १० मध्ये ६ खेल पछ्याउँदै जित निकालेको छ । चेज गर्दा गुजरातले यस सिजन ७५ प्रतिशत खेलहरू जितेको छ । त्यसैले टोली चेन्नई विरुद्ध पनि लक्ष्य पछ्याउन चाहन्छ ।

चेन्नईविरुद्धको टोलीमा चार विदेशी खेलाडी डेभिड मिलर, राशिद खान, नूर अहमद, अल्जारी जोसेफ हुन सक्छन् । यी बाहेक मोहम्मद शामी, शुभमन गिल र हार्दिक पाण्ड्याजस्ता खेलाडीले टोलीलाई बलियो बनाएका छन् ।

हेड टु हेडको कुरा गर्ने हो भने दुई टोलीबीच अहिलेसम्म जम्मा तीन खेल भएका छन् । गुजरातले तीनै खेल जितेको छ । यी खेलहरू ब्रेबोर्न, वानखेडे र नरेन्द्र मोदी स्टेडियममा खेलिएका थिए । चेपौक रंगशालामा दुवै टोली पहिलो पटक आमनेसामने हुनेछन् ।

एमए चिदम्बरम स्टेडियमको पिचमा स्पिन बलरहरूको दबदबा छ । तर यहाँ सिजनको सुरुवाती खेलहरूमा २०० भन्दा बढी रन बनाइएको थियो । पछिल्ला केही खेलहरूमा स्कोरिङ दर निश्चित रूपमा सुस्त भएको छ । यस्तो अवस्थामा आज पनि स्पिन पिच देख्न सकिन्छ । यस सिजन चेपौकमा जम्मा सात खेल खेलिएका छन् । जसमा चेन्नईले चार जित र तीन हार बेहोरेको छ । जसमा पहिले ब्याटिङ गर्ने टोलीले तीन पटक र लक्ष्य पछ्याएको टोलीले चार पटक जित हासिल गरेको थियो ।

मंगलबार चेन्नईमा मौसम सफा हुनेछ । दिनमा धेरै गर्मी हुनेछ । पानी पर्ने सम्भावना छैन । मंगलबारको तापक्रम २९ देखि ३६ डिग्री सेल्सियसको बीचमा रहनेछ ।

 

 

 




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

मलेसियाविरुद्ध पहिला फिल्डिङ गर्दै नेपाल

काठमाडौँ । नेपालले एसीसी प्रिमियर कपको पहिलो खेलमा टस हारेर पहिला फिल्डिङ गर्ने निम्तो पाएको छ । ओमानको अल अमरेत

एसीसी प्रिमियर कपमा आज नेपालले मलेसियाविरुद्ध खेल्दै

काठमाडौँ । एसीसी प्रिमियर कपमा आज नेपाली क्रिकेट टिमले मलेसियाविरुद्ध खेल्दैछ । साविक विजेता नेपालले आज मलेसियाविरुद्ध खेल्दै एसीसी प्रिमियर

बैशाख ४ गतेदेखि १४ औं केन्द्रिय राष्ट्रपति रनिङ शिल्ड हुँदै

काठमाडौँ । आगामी बैशाखको पहिलो सातामा लामो इतिहास बोकेको राष्ट्रपति रनिङ शिल्ड खेलकुद प्रतियोगिता हुने भएको छ । राष्ट्रिय खेलकुद

स्वास्थ्य जीवनशैलीका लागि नियमित व्यायाम गर्न मन्त्री श्रेष्ठको आग्रह

काठमाडौँ । युवा तथा खेलकुदमन्त्री विराजभक्त श्रेष्ठले स्वास्थ्य जीवनशैलीका लागि नियमित शारीरिक व्यायाम गर्न आग्रह गरेका छन् । मंगलबार आयोजित

वेस्टइन्डिजको ‘ए’ र नेपालबीचको खेल तालिका सार्वजनिक

काठमाडौँ । वेस्टइन्डिजको ‘ए’ टिम र नेपालबीच हुने पाँच टी– २० खेलको खेल तालिका सार्वजनिक भएको छ । वेस्टइन्डिज क्रिकेट

विश्वकपका लागि नेपालको जर्सी सार्वजनिक

काठमाडौँ । आइसिसी ट्वान्टी–२० विश्वकप खेल्ने नेपाली क्रिकेट राष्ट्रिय टोलीको जर्सी सार्वजनिक भएको छ । आगामी जुन १ देखि २९

Techie IT