टस जितेको नेपालले वेस्ट इन्डिजविरुद्ध फिल्डिङ रोज्यो

काठमाडौँ। नेपालले जिम्बावेमा जारी आइसिसी एकदिवसीय विश्वकप छनोटमा विश्वकप विजेता वेस्ट इन्डिजविरुद्ध टस जितेर फिल्डिङ रोजेको छ। हरारे स्पोर्ट्स क्लबमा भर्खर सम्पन्न टस नेपालल् जितेर वेस्टईण्डिजलाई पहिला ब्याटिङको निम्तो दिएका छन्।

नेपालले वेस्ट इन्डिजसँग पहिलो पटक खेल्न लागेको हो। नेपाल पहिलो खेलमा जिम्बावेसँग ८ विकेटले पराजित भएको थियो। अमेरिकालाई नेपालले ६ विकेटले हराएको थियो। वेस्ट इन्डिजले पहिलो खेलमा अमेरिकालाई ३९ रनले हराएको थियो। नेपालले आफ्नो क्रिकेट इतिहासमा सबैभन्दा माथिल्लो स्तरको टोलीसँग खेल्न थालेको हो।

नेपाल ओडिआई वरियतामा १४ औं र वेस्ट इन्डिज १० औं स्थानमा छ। वेस्ट इन्डिज सन् १९७५ र १९७९ विश्वकपको च्याम्पियन टोली हो। त्यस्तै वेस्ट इन्डिजले २०१२ र २०१६ मा टि २० विश्वकप उपाधि जितेको थियो।

नेपालले टोलीमा कुनैपनि परिवर्तन गरेको छैन। नेपालले अमेरिकासँगको प्लेइङ ११ लाई नै निरन्तरता दिएको कप्तान रोहित पौडेलले टसका क्रममा जानकारी दिएका छन्।