यू– १६ इस्ट जोन कप क्रिकेटमा मलेसियालाई हराउँदै नेपाल समूह विजेता

काठमाडौँ। एसीसी पुरुष यू— १६ इस्ट जोन कप क्रिकेटमा मलेसियालाई हराउँदै नेपाल समूह विजेता बनेको छ। शुक्रबार नेपालले मलेसियालाई ८४ रनको फराकिलो अन्तरले हराउँदै नेपाल समूह विजेता बनेको हो।

जितसँगै नेपाली टोली समूह ‘ए’ को विजेता बन्दै प्रतियोगिताको सेमिफाइनलमा पुगेको छ। समूहगत चरणको अन्तिम खेलमा नेपालसँग पराजित भएको घरेलु टोली मलेसिया भने उपविजेताका रुपमा सेमिफाइनलमा पुगेको छ।

शुक्रबारको खेलमा टस जितेर पहिला ब्याटिङ रोजेको नेपालले ३३.४ ओभरमा अलआउट हुनुअघि एक सय ८३ बनाएको थियो। जवाफी ब्याटिङमा ओर्लिएको मलेसियाले भने ३०.५ ओभरमै अलआउट हुनुअघि ९९ रनमात्र बनाउन सक्यो।

समूहगत चरणको दुबै खेलमा पराजित भएको थाइल्यान्ड भने यसअघि नै उपाधि होडबाट बाहिरिइसकेको छ।