बार्सिलोना तथा इन्टर मिलानका पुर्व खेलाडी लुइज स्वारेज मिरामोन्टेसको निधन

एजेन्सी । बार्सिलोना तथा इन्टर मिलानका पुर्व  खेलाडी लुइज स्वारेज मिरामोन्टेसको ८८ वर्षको उमेरमा निधन भएको छ । बार्सिलोनाले एक विज्ञप्ति जारी गर्दै उनको निधनको जानकारी दिएको हो ।

सन् १९५५ उनी बार्सिलोनामा अनुबन्ध भएका थिए । क्लबलाई लिग जिताउन सफल उनले बेलोन डिओर समेत जितेका थिए ।

सन् १९६१ मा उनी इन्टर मिलानमा अनुबन्ध भएका थिए । क्लबलाई तीन सेरिया ए उपाधि र दुई युरोपियन कप उपाधि जिताउन उनले महत्वपुर्ण भुमिका खेलेका थिए । सन् १९७३ मा उनले खेलबाट सन्यास लिएका थिए ।