भलिबलको कप्तानबाट थापा बर्खास्त

काठमाडौँ। नेपाल भलिबल संघले हरिहजुर थापालाई राष्ट्रिय टिमको कप्तानबाट बर्खास्त गरेको छ।

शनिबार सम्पन्न सातौं प्रधानमन्त्री कप एनभीए महिला तथा पुरुष राष्ट्रिय क्लब लिगको खेलमा क्रममा उनको भूमिका सन्तोषजनक नभएको भन्दै संघले उनलाई कप्तानबाट बर्खास्त गरेको हो।

उनी आर्मी क्लबका खेलाडी पनि हुन्। सोमबार भएको आर्मी र गण्डकीबीचको खेलमा आर्मीका खेलाडीले दर्शकमाथि हातपात गरेका थिए। दर्शकमाथि भएको कुटपिट घटनाको छानबिन गर्न गठित समितिको सिफारिसमा थापालाई कप्तानबाट हटाइएको संघले जनाएको छ।