२२ वर्षीया आकांक्षा गुरुङ बेलायतको स्थानीय निर्वाचनमा उम्मेदवार

  • शुक्रबार, ६ बैशाख, २०७६
  • 1 year ago
  • युके

 

लण्डन । आसन्न बेलायतको स्थानीय तह निर्वाचनमा एक नेपाली युवती पनि काउन्सिलर पदमा भिड्ने भएकी छन् । 

 

गिल्डफोर्ड काउन्सिलको परब्राइट वडाको काउन्सिलरको लागि २२ वर्षीया आकांक्षा गुरुङ लेबर पार्टीको तर्फबाट उम्मेदवार बनेकी हुन् । 

 

आकांक्षा लण्डनकै मर्टन काउन्सिलमा केहि वर्षअघि काउन्सिलर निर्वाचित स्वर्गीय गमबहादुर गुरुङकी कान्छी छोरी हुन् । सर्रे विश्वविद्यालयमा राजनीति शास्त्रको अन्तिम वर्षमा अध्ययनरत उनी उक्त विश्वविद्यालयको लेबर समर्थक विद्यार्थीहरुको संगठनको निर्वाचित सहअध्यक्ष पनि हुन् । 

 

४ वर्षअघि लेबर पार्टीको सदस्यता लिएकी आकांक्षा त्यसयता पार्टीका विभिन्न कार्यक्रम तथा अभियानहरुमा सक्रिय रहंदै आएकी छन् । उनले लेबर पार्टीका सांसदहरुसंग मिलेर समेत कैयौं प्रोजेक्टहरुमा काम गरिसकेकी छन् । 

 

आकांक्षा उम्मेदवार रहेको क्षेत्रमा यसअघि कञ्जरभेटिभ पार्टीकै वर्चश्व रहंदै आएको थियो । 'म लेबर पार्टीको प्रतिनिधिको रुपमा चुनावी मैदानमा जाँदैछु । मेरो विवेक, क्षमता र सामथ्र्यले भ्याएसम्म मेरो उम्मेदवारीलाई न्याय दिने कोशिस गरिरहेकी छु', आकांक्षाले सुनाइन् । 

 

सो क्षेत्रमा कैयौं नेपालीहरु रहेको बेलायती सेनाको एक क्याम्प छ भने अरु केहि नेपालीहरुको पनि बसोबास छ । 

 

भविष्यमा राजनीति तथा मानवअधिकारकै क्षेत्रमा काम गर्ने लक्ष्य  बनाएकी आकांक्षासंग ठूलो महात्वाकांक्षा छ । भन्छिन्, 'म राजनीति वा मानवअधिकार जुनसुकै क्षेत्र भएपनि अन्तर्राष्ट्रिय तहमै क्रियाशिल रहन चाहन्छु । जसले गर्दा मैले योगदान दिन सक्ने क्षेत्र अझ बढि फराकिलो हुन सकोस् ।' 

 

 

नेपालमा जन्मिएर ७ वर्षको उमेरमै बेलायत आएकी आकांक्षालाई बेलायतमा बस्ने नेपालीहरु यहाँको बेलायती समुदायसंग समायोजन हुनु अनिवार्य जस्तै लाग्छ । 

 

'हामीले आफ्नो ओरिजिन त बिर्सिनु हुंदैन नै, तर जुन ठाउंमा बस्छौं, त्यहांको सभ्यता, संस्कृति सिकेर समायोजन हुन पनि सक्नुपर्दछ', आकांक्षा भन्छिन्, 'बेलायतमै जन्मिएका वा यतै हुर्किएका मजस्तै धेरै नेपाली युवाहरुमा पनि यो एउटा समस्या नै छ । त्यसलाई हल गर्ने दिशामा म केहि काम गर्न चाहन्छु ।' 

 

राजनीतिमा लागेर युवा, महिला तथा एथ्निक समुदायका सदस्यहरुको प्रतिनिधित्व गर्ने ईच्छा आकांक्षाको छ । नेपालको राजनीतिलाई समेत नजिकबाट नियाल्ने गरेकी उनी विदेशमा बस्ने नेपालीको दोहोरो नागरिकताको अभियानमा समेत संलग्न हुँदै आएकी छन् । 

 

आफ्ना स्वर्गीय बाबुको बाटो पछ्याउँदै आकांक्षा राजनीतिमा सक्रिय बन्दै गर्दा उनको परिवार पनि गौरवान्वित छ । उनको परिवारसंग नजिकका एक आफन्त, चारभञ्यांग तमु समाज यूकेका पूर्व अध्यक्ष तथा  आइएनएस यूकेका वर्तमान अध्यक्ष रिटायर्ड लेफ्टिनेन्ट चन्द्र बहादुर गुरुङ भन्छन्, 'यति सानो उमेरमा आकांक्षाले गरेको प्रगति देख्दा हामी सिंगो परिवारले गौरव महसुस गरेका छौं । उनको राजनीतिक यात्रा अझै धेरै माथिसम्म पुगोस् भन्ने हाम्रो कामना छ ।' 

 

आउँदो मे २ तारिखमा हुने निर्वाचनमा अल्डरसट र केन्टको मेडस्टोनमा समेत एकएक नेपाली उम्मेदवार छन् । 

 

 

 


थप समाचार

गौतमबुद्ध सामुदायिक अस्पतालद्वारा मुटु र मिर्गौला रोगी उपचार बन्द गर्ने घोषणा

  • 1 minute ago
गौतमबुद्ध सामुदायिक अस्पतालद्वारा मुटु र मिर्गौला रोगी उपचार बन्द गर्ने घोषणा

बुटवल । बुटवलस्थित गौतमबुद्ध सामुदायिक मुटु अस्पतालले मिर्गौला रोगीको डायलायसिस तथा मुटुको निःशुल्क उपचार सेवा बन्द गर्ने घोषणा गरेको छ । अस्पतालको नवीकरणका विषयमा भएको सरकारी अलमलका कारण सरकार

ट्रम्पले “झुठो द्वन्द्व” सिर्जना गरेको पूर्व रक्षामन्त्री म्याटिसको भनाई

  • 3 minutes ago
ट्रम्पले “झुठो द्वन्द्व” सिर्जना गरेको पूर्व रक्षामन्त्री म्याटिसको भनाई

एजेन्सी । अमेरिकी पूर्व रक्षामन्त्री जेम्स म्याटिसले ह्वाइट हाउस नजिकै भइरहेका प्रदर्शन नियन्त्रणका लागि सेना परिचालन गर्ने राष्ट्रपति डोनाल्ड ट्रम्पको धम्कीले देशको सेना र नागरिक समाजबीच “झुठो द्वन्द

तेह्रथुमको आठराईमा पनि देखियो कोरोनाको सङ्क्रमण

  • 11 minutes ago
तेह्रथुमको आठराईमा पनि देखियो कोरोनाको सङ्क्रमण

तेह्रथुम । तेह्रथुमको आठराइ गाउँपालिकाका–२ जनामा कोरोना भाइरसको संक्रमण पुष्टि भएको छ । आठराई गाउँपालिका–४ का २० वर्षीय युवती र सशस्त्र प्रहरी बल सुरक्षा बेसक्याम्प सङ्क्रान्तिमा कार्यरत २९ वर्षीय प्र



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

आज घरघरमा तुलसीको दल राखेर निर्जला एकादशी पर्व मनाइँदै

आज घरघरमा तुलसीको दल राखेर निर्जला एकादशी पर्व मनाइँदै

महोत्तरी । हिन्दू मैथिल आज मङ्गलबार घरघरमा तुलसीको दल राखेर निर्जला एकादशी पर्व मनाउँदैछन् । जेठ शुक्ल एकादशीका दिन धार्मिक महत्वको वनस्पति तुलसीको दल राख्ने परम्परानुसार आज हिन्दू मैथिलका घरघरमा उत्सवकै रूपमा यो पर्व मनाइँदै गरिएको हो ।