ISMT

HUB Education

अष्ट्रेलिया विशेषः प्रोपर्टीमा लगानी गर्दा आइपर्ने जोखिमहरु

Education Park

 

Kathmandu Trade Show

 

प्रश्नः अचेल जता गए पनि प्रोपर्टी इन्भेस्टमेन्टको हल्ला सुनिन्छ र प्रोपर्टी मार्केट पनि धेरै नै ताती सकेको सुनिन्छ,  प्रोपर्टीमा लगानी गर्दा आइपर्ने जोखिमहरु के कस्ता हुन सक्छन् ?

 

जवाफः विगतका केहि वर्ष यता प्रोपर्टी मार्केट (विशेष गरी सिड्नीमा) अस्वाभाविक रुपमा वृद्धि भएको तपाईं हामी सबैलाई थाहा भएको तथ्य हो । लगानी भन्नासाथ जोखिम पनि सँगै जोडिएर आउने हुनाले प्रोपर्टी मार्केटमा गरिने लगानी पनि जोखिमपूर्ण नै हुने गर्दछन् । मार्केट धेरै तात्दा वा सेलाएरै बस्दा पनि प्रोपर्टी मार्केटमा लगानी गर्दा सधँै जोखिमलाइ मध्यनजर गरेर मात्र अगाडि बढ्नुपर्छ र अहिलेको जस्तो मार्केट तातेको अवस्थामा त झन् बढी होस पुर्याउनु पर्ने हुन्छ । हेर्दा सजिलो देखिए पनि प्रोपर्टीमा लगानी गर्दा यहाँले आफुलाई थुप्रैखाले जोखिममा होमिराख्नु भएको हुन्छ, जसमध्य केहि प्रमुख जोखिमहरुलाई तल मैले बुँदागत रुपमा प्रस्तुत गर्न गइरहेको छुः

 

क.    प्रोपर्टीको भाउ घट्यो भने ?

प्रोपर्टीको भाउ सधैँ एकनासले बढीरहने भन्ने हुँदैन, विभिन्न राज्यका प्रोपर्टी मार्केटमा विगत केहि वर्ष यता भएका उतार–चढावलाइ हेर्ने हो भने समय अनुसार प्रोपर्टीको भाउ घट्ने र स्थिर रहने सम्भावनालाई पनि नकार्न सकिन्न सधैँ एकोहोरो भाउ बढिरहन्छ भनेर आशा गर्नु प्रोपर्टी मार्केटको विभिन्न सम्भावनामध्ये एक मात्र हो । यहाँले लगानी गरिसकेपछि भाउ घट्नु र स्थिर रहनु अर्का बाँकी सम्भावनाहरु हुन् । कुनैदिन प्रोपर्टीको भाउ घट्यो वा लामो समयसम्म स्थिर नै बस्यो भने पनि यहाँले कसरी रेस्पोन्स गर्ने भन्ने बारेमा लगानी गर्नुपूर्व नै गृहकार्य गर्नु पर्दछ ।     

 

ख.    मुद्रास्फृतिदर अनुसार प्रतिफल आएन भने ?

हरेक वर्ष मुद्रास्फृति भएर पैसाको क्रय शक्तिमा ह्रास आइरहेको हुन्छ र अस्ट्रेलियाको हकमा यस्तो दर करिब २.५ प्रतिशतको हाराहारीमा छ । यदि यहाँले आफ्नै गोजीबाट पुरा पैसा हालेर प्रोपर्टीमा लगानी गर्नुभएको छ भने यसले कम्तीमा पनि मुद्रास्फृति दर बराबरको प्रतिफल दिनुपर्दछ, अन्यथा लगानीबाट यहाँलाई केहि पोषाउँदैन र यदि बैंकबाट ऋण काढेर प्रोपर्टीमा लगानी गर्नुभएको छ भने चाहिं बैंकबाट लिएको ब्याजदर भन्दा केहि प्रतिशत बढीमा प्रोपर्टीको भाउ बढेमा मात्र वित्तीय रुपमा सवल निर्णय हुन आउँछ । लगानी गर्नुपूर्व मार्केटको आर्थिक अवस्था र दिर्घकालिन अनुमानहरुको आधारमा प्रोपर्टी मार्केटबाट यतिको प्रतिफल उठाउन सकिने वा नसकिने भन्ने बारेमा विश्लेषण गरिएको हुनुपर्दछ ।   

   

ग.    ब्याज चर्केर बढ्यो भने?

अस्ट्रेलियामा अचेल होम लोन लिइँदा तिरिने ब्याजदर झन्डै ५ प्रतिशतको हाराहारीमा छ र यो दर भनेको ऐतिहासिक रुपमा नै थोरै हो । बिगतका तथ्यलाई हेर्ने हो भने अस्ट्रेलियामा ब्याजदर दिर्घकालिन रुपमा यस्तै रहिरहन्छ भन्न सकिन्न र भोलिका दिनमा ब्याज बढेर चर्को दरआ पुगेको मानौं १० प्रतिशत सम्म पुग्दाखेरी पनि अवस्थामा पनि यहाँले आफ्नो जीवन शैलीलाई कम्प्रोमाइज नगरी आफ्नो होम लोनको मोर्टगेज तिर्न सक्नुहुन्छ कि सक्नुहुन्न भनेर अहिले देखि नै हिसाब गरिएको हुनुपर्दछ ।

    

घ. बेच्न गाह्रो पर्यो भने ?

आखिर जे सुकै भए पनि एक दिन यहाँले लगानी गर्नु भएको प्रोपर्टीलाइ बेचेर यसलाई नगदमा रुपान्तरण गर्नुपर्ने हुन्छ र यस्तो बेलामा यहाँले किन्नुभएको प्रोपर्टी कति छिटो बेच्न सकिन्छ भन्ने कुराको बारेमा अहिले नै सोचविचार पुर्याउनु जरुरी हुन्छ । कति छिटो र कति सजिलो बेच्ने भनेर मात्र हुँदैन, आफुले चाहेको पैसामा बेच्न सकिन्छ कि सकिंदैन भन्ने पनु उत्तिकै महत्वपूर्ण बिषय हो्र  कुनै पनि कुरा किन्न भन्दा बेच्न गाह्रो हुने हुनाले प्रोपर्टीमा लगानी गर्नुपूर्व नै भविष्यमा बेच्न सकिने सम्भाव्यताको बारेमा राम्रोसँग बुझ्नुपर्दछ, जसको लागि सहि लोकेशनमा उपयुक्त प्रकारको प्रोपर्टीको छनौट यहाँले गरिने रिसर्चको अभिन्न अंग बन्नुपर्दछ ।

   

ङ.  भाडामा लागेन भने ?

इन्भेस्टमेन्ट प्रोपर्टी भन्नासाथै भाडा लगाएर मोर्टगेजको भार कम गराउनुपर्ने हुँदा यहाँले किन्नुभएको प्रोपर्टी भाडाको लागि कति उपयुक्त छ भन्ने कुरामा पनि ध्यान दिनुपर्दछ । अहिले रेन्टल मार्केट एकदम टाइट रहेता पनि भोलिका दिनमा सप्लाई बढ्दै गएको खण्डमा संधै यस्तो नहुन पनि सक्दछ । यहाँले किन्नुभएको प्रोपर्टी लामो समयसम्म भाडामा गएन भने पनि बैंकको ब्याज, स्ट्राटा, काउन्सिल, पानी जस्ता खर्चहरु यहाँले तिरीरहनु पर्नेहुन्छ । इन्भेस्टमेन्ट प्रोपर्टी किन्नु पुर्व कति लामो समयसम्म भाडामा गएन भने यहाँले यस्ता खर्च धान्न सक्नुहुन्छ भन्ने वारेमा पनि बिस्तृत हिसाब गरेर आफुलाई मानसिक रुपमा तयार बनाइराख्नुपर्ने हुन्छ ।

       

च. व्यक्तिगत रुपमा केहि भयो भने?

माथि उल्लेखित जोखिमका अतिरिक्त यहाँलाई वा यहाँको परिवारलाइ तलमाथि केहि परेको खण्डमा यहाँले बोक्नुभएको ऋणलाइ कसरी ब्यबस्थापन गर्ने वा ऋणका किस्ताहरुलाइ कसरी निरन्तरता दिने भन्ने बिषयमा पनि यहाँले सोच्नु जरूरी हुन्छ्र अहिले आफु लक्का–जवान हुँदा यस्ता विषयहरुले खासै प्राथमिकता नपाएको हुन सक्छ तर उमेर र जिउ भन्ने भन्ने कुरा संधै एकनाश रहँदैन प्रोपर्टीमा वा अन्य कुनै पनि क्षेत्रमा लगानी गर्नुपुर्व आफु र आफ्नो परिवारको व्यक्तिगत बिमाहरु जस्तै जीवन बिमा, अंग भंगको लागि बिमा आदिको बारेमा जानकार रही आफुलाई कभर गर्नुपर्दछ ।     

 


थप समाचार

पश्चिमा मुलुकहरुमा बौद्ध धर्मावलम्वीहरुको संख्या बढ्दो: स्वामी अरुण 

  • 6 hours ago
पश्चिमा मुलुकहरुमा बौद्ध धर्मावलम्वीहरुको संख्या बढ्दो: स्वामी अरुण 

बुधबार अल्डरशटस्थित शिव सांस्कृतिक तथा सामुदायिक केन्द्रमा आयोजित एक कार्यक्रमलाई सम्बोधन गर्दै स्वामी अरुणले अहिले नेपाल संसारमै सबै भन्दा बढी इसाई धर्मावलम्वीहरुको संख्या बढ्दै गएको मुलुक बन्न पुगेक

मतदाता आकर्षित गर्दै रोजिना 

  • 6 hours ago
मतदाता आकर्षित गर्दै रोजिना 

एनआरएनए यूके निर्वाचनमा महिला उपाध्यक्षकी सशक्त उम्मेदवार रोजिनाको बोलीमा मिठास र सौन्दर्यले मात्र होइन, आफ्नो भिजन, लगाव र एजेन्डाले पनि मतदाता आकर्षित भइरहेका छन् ।

आचार्य बालकृष्णलाई हृदयघात

  • 6 hours ago
आचार्य बालकृष्णलाई हृदयघात

एजेन्सी । पतञ्जली आयुर्वेदका प्रबन्ध निर्देशक आचार्य बालकृष्णलाई हृदयघात भएको बताइएको छ । मिडिया रिपोर्टका अनुसार उनलाई ऋषिकेशस्थित एम्समा भर्ना गरिएको छ ।



प्रेम र यौन

महिलाहरुको लागि हस्तमैथुनले कस्तो भूमिका खेल्छ ?

महिलाहरुको लागि हस्तमैथुनले कस्तो भूमिका खेल्छ ?

एजेन्सी । यौनको कमि, साथीसँगको नराम्रो सम्बन्ध तथा आत्मविश्वासको कमि जस्ता कुराहरुले महिलाको स्वस्थ्यमा असर पुग्ने देखिन्छ । लाइफस्ट्याल कोच ‘लुक कुटिनो’ का अनुसार एक महिलाले जीवनमा यी तीन चीजको कमि रहेमा राम्रो सोच्न नसक्ने बताउँछन् । यौनको असन्तुष्टीलाई मेटाउने एक मात्र विकल्पको रुपमा हस्तमैथुन रहेको छ । यसै हस्तमैथुन किन महिलाको लागि फाइदाजनक छ भनेर चर्चा गरौं ।

जीवनशैली/स्वास्थ्य

त्यसैले नियमित नेलपोलिस गर्नु हानिकारक

त्यसैले नियमित नेलपोलिस गर्नु हानिकारक

एजेन्सी । नेलपोलिस महिलाको मेकअपमा अनिवार्यजस्तै बनेको छ । तर, नेलपोलिसले नङलाई जति सुन्दर बनाउँछ, यसको अत्यधिक प्रयोगले त्यति नै कुरूप पनि । त्यसैले नियमित नेलपोलिस गर्नु हानिकारक हुन्छ ।

विचित्र विश्व

कार भाडामा लिँदा यतिधेरै फाइदाहरु

कार भाडामा लिँदा यतिधेरै फाइदाहरु

एजेन्सी । विज्ञान तथा प्रविधिको नयाँ–नयाँ आविस्कारमा जापान अगाडी नै आउने गर्छ । लगभग विश्वको आधाभन्दा बढि कारहरु जापानमा नै बन्ने गर्छ । यससँगै जापानमा कार भाडामा लिने चलन एकदमै बढेको छ । कार भाडामा लिएर आफूलाई जहाँ जान मन लाग्छ पुग्न सकिन्छ तर त्यहाँ भने फरक रहेको छ ।