क्रिस्टल प्यालेसलाई हराउँदै लिभरपुल प्रिमियर लिगको शीर्षस्थानमा

एजेन्सी । इंग्लिस प्रिमियर लिग फुटबलमा लिभरपुलले जित निकालेको छ । गएराति भएको खेलमा लिभरपुलले क्रिस्टल प्यालेसलाई उसकै मैदानमा २–१ गोलले पराजित गरेको हो ।

खेलको ५७ औं मिनेटमा जिन फिलिपे मटेटाले पेनाल्टीमा गोल गर्दै प्यालेसलाई सुरुवाती अग्रता दिलाएका थिए । ७६ औं मिनेटमा मोहम्मद सलाहले गोल गर्दै लिभरपुललाई १–१ गोलको बराबरीमा ल्याए ।

खेलको ७५ औं मिनेटमा जोर्डन एइयुले रातो कार्ड खाँदै मैदानबाट बाहिरिएपछि प्यालेस १० खेलाडीमा समेटिएको थियो ।

यस्तै, खेलको अन्त्यतिर इन्जुरी समयमा हार्वी इलीओटले गोल गर्दै लिभरपुललाई जित दिलाए । यो जितसँगै लिभरपुल १६ खेलबाट ३७ अंक जोड्दै तालिकाको शीर्षस्थानमा उक्लिएको छ । प्यालेस भने १६ अंकका साथ १५ औं स्थानमा छ ।