म मेसीको अभ्यास हेर्न आतुर छुः डी जोङ

• बिहीबार, २ जेष्ठ, २०७६
• 2 months ago
• खेल

एजेन्सी । नेदरल्याण्डको घरेलु लिग इरिडिभिसीको उपाधि जितेपछि विन्टर ट्रान्सफर विन्डोमा नै बार्सिलोना आउने सहमति जनाइसकेका मिडफिल्डर फ्रांकी डी जोङले आफू मेसीको अभ्यास हेर्न आतुर रहेको प्रतिक्रिया दिएका छन् ।

 

बुधबार राति सम्पन्न खेलमा ४–१ गोलले विजयी भएपछि आयाक्सले घरेलु लिगको उपाधि जितेको थियो । त्यसपछि प्रतिक्रिया दिँदै आफू मेसीसँग खेल्नको लागि पनि उत्तिकै आतुर रहेको प्रतिक्रिया दिएका हुन् ।

 

उनले भने ‘म मेसीको अभ्यास खेल हेर्नको लागि निकै आतुर छु । मलाई लाग्छ म मेसीलाई मात्र पास दिन्छु होला (हाँस्दै) । 

 

डी जोङलाई बार्सिलोनाले ७५ मिलियन युरोमा अनुबन्ध गरेको हो । साथै बार्सिलोनाले अतिरिक्त रकमस्वरुप थप ११ मिलियन आयाक्सलाई दिनुपर्नेहुन्छ । 

 

बार्सिलोनाको खेलबारे उनले भने ‘म जे जस्तो छु त्यसमा फरकपन खोज्दिन । र म खेलमा फोकस भएँ भने फरक हुनुपर्छजस्तो पनि लाग्दैन । मैले त्यहाँ कस्तो प्रदर्शन गर्छु होला भन्ने प्रश्न म आफैमा छ र म उत्कृष्ट खेलाडीबाट सिक्ने प्रयासमा हुनेछु ।’

 

• Messi