चलचित्र ‘यो माया कस्तो माया’को रोमान्टिक गीत सार्वजनिक (भिडियोसहित)

• शुक्रबार, २५ जेष्ठ, २०७५
• 1 year ago
• कला र मनोरञ्जन

काठमाडौं । चलचित्र ‘यो माया कस्तो माया’को रोमान्टिक गीत सार्वजनिक गरिएको छ । एसकेएन सिनेमा प्रा.लि.को ब्यानरमा निर्माण भएको चलचित्र ‘यो माया कस्तो माया’को राजधानीमा एक कार्यक्रमबीच गीत सार्वजनिक गरिएको हो ।

 

चलचित्रका मुख्य कलाकार दिवस धिताल र सभ्यता गिरीलाई फिचर गरेको गीतमा फिरोज बस्नेत र अन्जु पन्तको स्वर रहेको छ ।

 

कलेज उमेरमा हुने प्रेमी र प्रेमिका बीचको मायादेखि लिएर अहिलेसम्म कसैले परिभाषित गर्न नसकेको मायाको परिभाषाको खोजी गरिएको भनिएको चलचित्रका प्रस्तुतकर्ता किसान पोख्रेल हुन् ।

 

भुषण आनन्द ठकुरीको निर्देशन मा तयार भएको चलचित्रको कथा ठकुरी आफैँले लेखेका हुन् । चलचित्रमा अर्जुन पोख्रेलको सङ्गीत, शंकर महर्जनको द्वन्द्व , कविराज गहतराज, रामजी लामिछाने, बिक्रम लामा, र एन्जिला खत्रीको कोरियोग्राफी, अर्जुन बिसीको सम्पादन तथा दिब्य सुवेदीको छायांकन रहेको छ ।

 

प्रेम एकजनासँग हुन्छ र विवाह अर्कोसँग हुन्छ, प्रेम भएकोसँग विवाह हुँदैन र विवाह भएकोसँग प्रेम हुँदैन भन्ने बिषयमा बनेको ‘यो माया कस्तो माया’ लाई काठमाडौं, दोलखा, तथा दार्जिलिङलगायतका स्थानहरुमा छायांकन गरिएको छ । 

 

चलचित्रमा दिवस धिताल, सभ्यता गिरी, ऋतु पौडेल, युवराज केशरी, सुन्दर श्रेष्ठ, लय संग्रौला, सुमित डङ्गोल, तारा केसी, तुलसा शर्मा, शंकर महर्जन, सुर्यमान गुरुङ, महेस दाहाल, रोशन दाहाल, किरण राइ, दिपेन बस्नेत, विकास पोख्रेल, नितु कोइरालालगायतको अभिनय रहेको छ ।

• ‘यो माया कस्तो माया’