मेलवर्नमा वाक फर वेलफेयर सम्पन्न, वाक फर वोमन अर्को चरणमा

मेलबर्न । भिक्टोरिया राज्यको मेलवर्नमा वाक फर वेलफेयर कार्यक्रम सम्पन्न भएको छ । अस्ट्रेलियामा हुने महिला तथा लैंगिक हिंसाका घटना विरुद्ध जनचेतना जगाउने उद्देश्यले गैरआवसीय नेपाली संघ अस्ट्रेलियाले कार्यक्रम आयोजना गरेको हो । 

 

कार्यक्रममा घरेलु हिंसाबाट पीडितहरुले आ–आफ्नो कथा सुनाएका थिए । हिंसा पीडित बबि तामाङले हिंसा पार गर्दै आफू कसरी सामान्य जीवन जिउन सफल भएँ भन्ने उदाहरण सबैलाई सुनाएकी थिईन् । 

 

त्यसपछि सुरु भएको पदयात्रामा करिब चार किलोमिटर दुरी पार गरेर सम्पन्न भएको थियो । 

 

मेलवर्नमा अयोजित कार्यक्रममा गैरआवसीय नेपाली संघका प्रतिनिधिहरु, सामाजिक अभियान्ता, विभिन्न पेशाकर्मी तथा व्यवसायीहरुको उपस्थिती रहेको थियो । २ सय ५० भन्दा बढीको प्रत्यक्ष सहभागिता रहेको कार्यक्रम निकै भव्य रुपमा सम्पन्न भएको थियो । 

 

कार्यक्रममा भिक्टोरियाका लागि महावाणिज्यदुत चन्द्र योञ्जन, एनआरएनका पूर्वअध्यक्ष शेष घले, जमुना घले, एनआरएन अष्ट्रेलियाका अध्यक्ष टोनु घोताने, उपाध्यक्ष नन्द गुरुङ, सचिव देव गुरुङ, नारी निकुञ्जकी अष्ट्रेलिया संयोजक प्रतिज्ञा अधिकारी, न्याभका नवनिर्वाचित अध्यक्ष तारा गैरे लगायतको उपस्थिति रहेको थियो । 

 

वाक फर वोमन अर्को चरणमा 

 

मेलवर्नमा वाक फरक वेलफेयर, वाक फर वोमनको पदयात्रा सम्पन्न भएसँगै पदयात्राका कार्यक्रम सकिएको छ । अस्ट्रेलियाका प्रमुख शहरहरु सिड्नी, । ब्रिसबेन, क्यानबेरा, एडिलेड र क्विन्सल्याण्डमा यसअघि नै पदयात्रा सम्पन्न भइसकेका छन् । 

 

कार्यक्रमका बारेमा जानकारी दिँदै नारिकुञ्ज अस्ट्रेलियाकी संयोजक प्रतिज्ञा अधिकारीले पदयात्राका कार्यक्रम सम्पन्न भएको बताईन् । 

 

नेपालीपत्रसँको कुराकानीका क्रममा अधिकारीले भनिन्, ‘पदयात्राका कार्यक्रम सम्पन्न भएका छन् । अब वाक फर वोमनको कार्यक्रम अर्को चरणमा पार गरेको छ । पहिलो चरणको कार्यक्रमबाट अस्ट्रेलियामा रहेका नेपाली महिलाहरुले हिंसा, यसको कानुनी उपचार लगायतका पक्षमा बुझने मौकाका साथै रेस्पोन्स टिमबाट सामाजिक, कानुनी तथा आर्थिक सहयोग पनि पाइरहनुभएको छ । अर्को चरणमा हिंसाका सम्बन्धमा कानुनी सामाग्री प्रकाशन गर्ने तथा विभिन्न जनचेतनामुलक वर्कसप आयोजना गर्ने कार्यक्रम रहेका छन् ।’

 

हाल हप्तामा १ जना नेपाली समुदायका मानिसहरु विभिन्न किसिमका हिंसाबाट पीडित रहेको अनुमान रहेको संयोजक अधिकारीले बताईन् । 

 

उनले भनिन्, ‘अस्ट्रेलियाभित्र हिंसाबाट पीडितहरु हप्तामा कम्तीमा पनि एक जना आउने गर्नुभएको छ । यसलाई बेलैमा सम्बोधन गर्न सकिएन भने समस्या जटिल हुँदै जान्छ । यसका लागि दोस्रो चरणका कार्यक्रमबाट सम्बोधनको प्रयास हुनेछ । तथ्यांक संकलनको काम भइरहेको हुँदा अब छिट्टै सरकारीस्तरबाट कानुनी सामाग्री नेपालीमै प्रकाशन गर्ने दिशामा अघि बढ्छौं त्यस्तै हिंसाका सम्बन्धमा वभिन्न कार्यशालाहरु पनि आयोजना हुनेछन् ।’

 

गैर आवसीय नेपाली संघको आगामी बैठकले कार्यक्रमहरु पारित गरेपछि दोस्रो चरणका कार्यक्रमहरु अघि बढ्ने पनि संयोजक अधिकारीले जानकारी दिइन् ।


थप समाचार

नयाँ अध्ययनः ठिक्क मात्रामा कफी पिउँदा गर्भवती महिलाबाहेक अरुलाई नराम्रो असर नगर्ने !

  • 1 minute ago
नयाँ अध्ययनः ठिक्क मात्रामा कफी पिउँदा गर्भवती महिलाबाहेक अरुलाई नराम्रो असर नगर्ने !

काठमाडौं/एजेन्सी । ब्रिटिश मेडिकल जर्नलमा छापिएको एक अनुसन्धानले कलेजोसम्बन्धी रोग, केही प्रकृतिका क्यान्सर र पक्षघातका कारण हुने मृत्युको जोखिम कम हुने देखाएको छ । तर अनुसन्धानकर्ताहरुले कफीकै त्यसको

आठौँ राष्ट्रिय खेलकुदः खेलाडीलाई चाउचाउको भर

  • 34 minutes ago
आठौँ राष्ट्रिय खेलकुदः खेलाडीलाई चाउचाउको भर

दाङ । खेलस्थलमा रातारात हालिएका छाना हावाहुरीले उडाएको छ । व्यवस्थापन भद्रगोल हुँदा दुई दिनअघि जितेका खेलाडीले समेत घाँटीमा पदक झुन्ड्याउन पाएका छैनन् । राम्रै खाजा खाने हो भने खेलाडीले ७ किमि टाढाको

नेपाली भूउपग्रह अन्तरिक्ष कक्षमा पुग्यो

  • 39 minutes ago
नेपाली भूउपग्रह अन्तरिक्ष कक्षमा पुग्यो

काठमाडौं । नेपालको पहिलो भूउपग्रह ‘नेपाल स्याट १’ अन्तर्राष्ट्रिय अन्तरिक्ष कक्ष (आइएसएस) मा पुगेको छ । नासाका अनुसार नेपाली भूउपग्रहसहितको कार्गो शुक्रबार दिउँसो ३ बजेर १२ मिनेटमा अन्तरिक्ष कक्षमा सु



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

नयाँ अध्ययनः ठिक्क मात्रामा कफी पिउँदा गर्भवती महिलाबाहेक अरुलाई नराम्रो असर नगर्ने !

नयाँ अध्ययनः ठिक्क मात्रामा कफी पिउँदा गर्भवती महिलाबाहेक अरुलाई नराम्रो असर नगर्ने !

काठमाडौं/एजेन्सी । ब्रिटिश मेडिकल जर्नलमा छापिएको एक अनुसन्धानले कलेजोसम्बन्धी रोग, केही प्रकृतिका क्यान्सर र पक्षघातका कारण हुने मृत्युको जोखिम कम हुने देखाएको छ । तर अनुसन्धानकर्ताहरुले कफीकै त्यसको कारण भएको भन्ने पुष्टि भने गर्न सकेका छैनन् ।