६ महिनामै जन्मियो ३ सय ७५ ग्रामको बच्चा, डाक्टरहरु नै अचम्मित

• आइतबार, ६ साउन, २०७५
• 1 year ago
• विचित्र विश्व

 

 

 

एजेन्सी । हैदराबादस्थित रेन्बो हस्पिटलमा एसियाकै सबैभन्दा सानो बच्चा जन्मिएको छ । उक्त बच्चाको तौल ३७५ ग्राम रहेको छ । सोसल मिडियामा उक्त खबरले तहल्का मच्चाएको छ ।

 

आखिर त्यति सानो बच्चा कसरी सकुशल जन्मियो भनेर डाक्टरहरु नै अचम्मित छन् ।

 

छत्तिसगढको एक दम्पत्तिले ३ सय ७५ ग्रामकी छोरी जन्माएका हुन् । आमा निकिताले गर्भ रहेको २५ औँ हप्तामै छोरी जन्माएका कारण बच्चीको तौल यति कम भएको हो ।

 

डाक्टरका अनुसार सामान्य तालिका भन्दा ४ महिना पहिले बच्चीको जन्म भएको हो । बच्चीको लम्बाई २० सेन्टिमिटर मात्र रहेको छ । 

 

उनको जीउ यति सानो छ कि एक मुट्ठीमै समाउन सकिन्छ । आमा र बच्चाको स्वास्थ्य अहिले सामान्य रहेको डाक्टरहरुले बताएका छन् ।

• सानो बच्चा