सुनको भाउले आज पनि बनायो रेकर्ड

काठमाडौँ। आज नेपाली बजारमा सुनको भाउ इतिहासकै उच्च भएको छ। नेपाल सुनचाँदी व्यवसायी महासंघले मंगलबार तोकेको भाउले रेकर्ड बनाएको हो।

आज मंगलबार सुनको मूल्य तोलाको १ लाख १७ हजार ७ सय रुपैयाँ कायम भएको छ। सोमबारको मूल्यमा तोलामा ३ सय रुपैयाँले बढेर सुनको भाउ उच्च भएको हो। तेजाबी सुनको मूल्य १ लाख १७ हजार १५० रुपैयाँ कायम भएको छ।

चाँदीको भाउ भने सोमबारकै मूल्यमा कारोबार भइरहेको छ। सोमबार चाँदी तोलाको १ हजार ५ सय रुपैयाँ प्रति तोला कारोबार भएको थियो।