पृथ्वी राजमार्ग जोड्ने फिस्लिङ–शक्तिखोर सडकको शिलान्यास

  • मंगलबार, १७ पुष, २०७५
  • 1 year ago
  • नेपाल

चितवन । जिल्लाको पहाडी क्षेत्र हुँदै पृथ्वी राजमार्ग जोड्ने फिस्लिङ शक्तिखोर सडकको सोमबार शिलान्यास गरिएको छ । 

 

शक्तिखोर बजार नजिकै चितवन क्षेत्र नं. २ का सांसद कृष्णभक्त पोखरेलले सडकको शिलान्यास गरेका हुन् । 

 

एशियाली विकास बैंकको अनुदान सहयोगमा निर्माण हुने सो सडक ४७ किलोमिटर लामो हुनेछ । जसमध्ये शक्तिखोरदेखि तोलाङसम्मको ३७ दशमलव शुन्य सात किलोमिटर सडक निर्माण गर्न लागिएको हो । तोलाङबाट फिस्लिङसम्म यसअघि नै सामान्यरुपमा सडक निर्माण गरिएको छ । 

 

सडक निर्माणको ठेक्का चिनियाँ कम्पनी सान्जी र नेपालको आशिष निर्माण सेवाले पाएका छन् । रु ७८ करोड ९६ लाखको लागतमा सडक निर्माण गर्ने गरी सम्झौता भइसकेको छ । यद्यपि सडकलाई फिस्लिङसम्म जोड्नुपर्ने, कालोपत्रेको चौडाई बढाउनुपर्ने लगायतका कारण नक्साङ्कन फेरबदल हुनसक्ने बताइएको छ । 

 

ठेकेदार कम्पनीका सम्पर्क प्रबन्धक नारायण रिजालका अनुसार नालीसहितको सडकको चौडाई सात दशमलव २५ मिटर हुनेछ । अहिलेको ठेक्का सम्झौतानुसार तीन दशमलव २५ मिटर फराकिलो कालोपत्रे गर्ने भनिएको छ । यद्यपि सम्झौतामा केही फेरबदल गरी कालोपत्रे पाँच मिटर पु¥याउने विषयमा छलफल भइरहेको उनले बताए । 

 

सो सडकमा दुई ठाउँमा पुल र दुई ठाउँमा कजवे निर्माण गर्नुपर्ने हुन्छ । ती काम भने ठेक्कामा समावेश छैनन् । सडकको चार किलोमिटर बाहेकका ठाउँमा सामान्य बाटो (ट्रयाक) खोलिसकिएको छ । सडकलाई तीन भागमा विभाजन गरेर निर्माणको काम तीब्ररुपमा गरिने रिजालले बताए । 

 

काम गरेको ७३० दिनमा सम्पन्न गर्ने गरी ठेक्का सम्झौता भएको हो । सडकको शिलान्यास समारोहमा सांसद पोखरेलले ग्रामीण क्षेत्रका जनतालाई यो सडक वरदान सावित हुने बताए । सो क्षेत्रमा चेपाङ जातिको बाहुल्यता रहेको बताउँदै उनले ती जातिको जीवनस्तर उकास्न सडक सहयोगी बन्ने विश्वास व्यक्त गरे । 

 

कार्यक्रममा प्रदेश सांसद घनश्याम दाहाल, कालिका नगरपालिकाका प्रमुख खुमनारायण श्रेष्ठ, ठेकेदार कम्पनीका सम्पर्क प्रबन्धक नारायण रिजाललगायतले सो सडक महत्वमाथि प्रकाश पारे । सडक शक्तिखोर नगरपालिका र इच्छाकामना गाउँपालिका हुँदै पृथ्वी राजमार्गमा जोडिनेछ ।

 

इच्छाकामना गाउँपालिकाका अध्यक्ष गीता गुरुङले सो सडकले जिल्लाको पहाडी क्षेत्रको मुहार फेर्ने बताए । 

 


थप समाचार

कोरोना संक्रमण पुष्टि भएपछि नर्भिकमा उपचाररत् महिलालाई पाटन अस्पताल लगियो

  • 16 minutes ago
कोरोना संक्रमण पुष्टि भएपछि नर्भिकमा उपचाररत् महिलालाई पाटन अस्पताल लगियो

काठमाडौँ । कोरोना संक्रमण पुष्टि भएपछि थापाथलीस्थित नर्भिक अस्पतालमा अपचारर्त एक महिलालाई पाटन अस्पताल लगिएको छ । ६१ वर्षीया महिलामा सोमबार बिहान कोरोना संक्रमण पुष्टि भएसँगै पाटन अस्पताल लगिएको हो ।

मोरङमा चट्याङ लागेर एक महिलाको मृत्यु

  • 28 minutes ago
मोरङमा चट्याङ लागेर एक महिलाको मृत्यु

मोरङ । मोरङमा चट्याङ लागेर एक महिलाको मृत्यु भएको छ । सुनवर्सी– ६ तालागाछी बस्ने ३० वर्षीया निरुतु कुमारी दासको चट्याङले लागेर मृत्यु भएको छ । सोमबार बिहान १२ बजेको समयमा आफ्नै मकै बारीबाट मकै

सेना परिचालनको प्रस्ताव लिएर प्रधानमन्त्री ओली शीतल निवास पुगे

  • 34 minutes ago
सेना परिचालनको प्रस्ताव लिएर प्रधानमन्त्री ओली शीतल निवास पुगे

काठमाडौँ । प्रधानमन्त्री केपी शर्मा ओली सेना परिचालनको प्रस्ताव लिएर शीतल निवास पुगेका छन्। पछिल्लो केही हप्तायता कोरोना भाइरस (कोभिड–१९) तीव्र गतिमा फैलिएपछि ओली सेना परिचालन गर्ने प्रस्ताव लिएर राष्



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

यस्तो छ निमोनियाको घरेलु उपचार विधि

यस्तो छ निमोनियाको घरेलु उपचार विधि

काठमाडौं । ब्याक्टेरिया, भाइरस र फंगलका कारण फोक्सोमा हुने समस्या निमोनिया हो । संक्रमणका कारण फोक्सोको वायुथैलीमा तरल पदार्थ भरिएर सुन्निने भएकाले श्वास–प्रश्वासमा समस्या देखिन्छ ।