यी युवतीहरु कम पढेलेखेको पुरुषलाई मन पराँउछन्

• बुधबार, २५ बैशाख, २०७६
• 4 months ago
• विचित्र विश्व

 

 

 

एजेन्सी । समयसँगै अनलाइन डेटिङको तरिका पनि बदलिँदै गएको छ । मानिसहरु अब अनुहार र जिउडाल हेरेर मात्रै अनलाइन पार्टनर छान्दैनन् बरु उनीहरुको शैक्षिक योग्यताले पनि त्यसमा अर्थ राख्छ ।

 

खासगरि पुरुष शिक्षित र परिपक्क महिलामा रुचि राख्छन् तर महिलाहरुको भने अलग्लै रुचि हुन्छ । एक अध्ययनअनुसार महिलाहरुमा उमेर वर्ग अनुसार पुरुषलाई छान्ने तरिका फरक फरक पाइयो । 

 

जसअनुसार कम उमेरका केटीहरु धेरै पढेको, आर्थिक रुपमा सबल सक्षम र स्वतन्त्र खालको पुरुषलाई मन पराँउछन् । यस्तै उमेरदार महिलाहरु आफुभन्दा कम पढेलेखेको र कम योग्य पुरुषलाई मन पराँउछन् ।

 

यो अध्ययन अष्ट्रेलियाको क्विन्सल्यान्ड युनिभर्सिटि अफ टेक्नोलोजीको शोधकर्ताले गरेकाहुन् । अनलाइनमा डेट गरिरहेका १८ देखी ८० वर्ष उमेर वर्गका ४१ हजार अष्टे«लियनलाई यस अध्ययनमा सामेल गराइएको थियो । 

 

शोधकर्ता स्टिफन ह्वाइटले बताएअनुसार पार्टनर छान्नु मनोवैज्ञानिक र आर्थिक निर्णय हुन सक्छ । यो हरेक समाजमा शोधको विषय हुन्छ । परम्परागत रुपमा हेर्ने हो भने पार्टनर छान्ने प्रक्रियामा मानिसले सबैभन्दा बढि आफुसँग मिल्दो जुल्दो स्वभावलाई ध्यानमा राख्ने गर्थे । 

 

पहिले व्यक्तिको उमेर, सुन्दरता, आकर्षण, व्यक्तित्व, सस्कृति, धर्म र जातले उनीहरुमा पार्टनर छान्ने प्रक्रियामा ठूलो अर्थ राख्ने गरेको थियो तर आजकाल अनलाइन डेटिङको तरिका बदलिएको छ र पार्टनर छान्ने प्रक्रियामा पनि परिवर्तन आएको छ ।

 

• Education