प्रतिनिधिसभाको बैठक बस्नुपुर्व शीर्ष नेताहरुबीच छलफल हुने

काठमाडौँ । आज प्रतिनिधिसभाको बैठक बोलाइएको छ। तर, प्रतिपक्ष दल नेकपा एमालेले अवरोधका कारण बैठक बस्न सकिरहेको छैन । अवरोध हटाउने विषयमा शीर्ष नेताहरुबीच सहमति जुट्न सकेको छैन ।

सभामुख देवराज घिमिरेको पहलमा सोमबार प्रमुख तीन दलका शीर्ष नेताहरुका बीच छलफल भएको थियो । तर, सहमति जुट्न सकेन ।

शीर्ष नेताहरुबीच आज बालुवाटारमा बैठक हुँदैछ । बिहान १० बजे प्रधानमन्त्री पुष्पकमल दाहालसहित कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच छलफल हुनेछ।

प्रमुख प्रतिपक्षी एमालेले उच्चस्तरीय समिति गठन गर्नुपर्ने अडानका कारण सहमति जुट्न सकेको छैन ।