कोरोना भाइरस नियन्त्रण गर्न चीन र सिंगापुरबाट विश्वले के सिक्ने ?

• बिहीबार, १३ चैत, २०७६
• 5 days ago
• अन्तर्राष्ट्रिय

 

 

 

एजेन्सी । इटालीपछि अमेरिकामा कोरोना भाइरसले वितण्डा मच्चाइराखेको छ । पछिल्लो रिपोर्ट अनुसार कोरोना भाइरसका कारण २१२९२ जनाको मृत्यु भएको छ । त्यस्तै संक्रमितहरुको संख्या झण्डै ४ लाख ७१  हजार पुगेको छ ।

 

अमेरिकाले सुरुवाती दिनमा चीनको वुहानबाट सुरु भएको भाइरसलाई वेवास्ता गर्दा आज यो नियती भोग्न बाध्य भएको अधिकारीहरुले बताउँदै आइरहेका छन् ।

 

अमेरिकाले फ्रेबअरीको अन्त्यसम्म पनि चीनलाई दोष लगाउनैमा व्यस्त देखिएको थियो । अमेरिकाले गरेको गल्तीका कारण आज अमेरिकामा भयावह स्थिति आएको छ ।

 

अमेरिकाले कोरोना भाइरसलाई चीनमा मात्रै फैलिने र अमेरिकासम्म आउन नसक्ने सोच राखेको थियो ।

 

विश्वका १९३ भन्दा बढी देशमा यो भाइरस फैलिइसकेको छ । चीन र सिंगापुरमात्र यस्ता दुई देश हुन् जसले यो भाइरससँग लड्न ठुलो सफलता हात पारे । सही समयमा सही नीति लिदाँ आज सिंगापुर र चीनमा यो भाइरस लगभग नियन्त्रणमा आएको अधिकारीहरुको दाबी रहेको छ ।

 

पछिल्लो समय कोरोना भाइरसका कारण दक्षिण एसियाली देशमा कोहराम मच्चाउने भविष्यवाणी अध्ययनकर्ताहरुले गरेका छन् । तर, सही नीति र उच्च सतर्कता अपनाउन सके अमेरिका, इटाली र स्पेनको झै नियती भोग्न नपर्ने विज्ञहरुको सुझाव रहेको छ ।

 

सिंगापुर र चीनले लिएको रणनीति नै मुख्य रणनीति अन्य देशको हुनुपर्ने उनीहरुको सुझाव रहेको छ । चीन सिंगापुरले उक्त भाइरस नियन्त्रणका लागि गरेको प्रयास नै विश्वका अन्य देशले सिक्नुपर्ने बताइएको छ ।

 

यो भाइरसबाट बच्न लकडाउन गरेर मात्र नहुने उनीहरुको आग्रह रहेको छ । एकअर्कादेखि दुरीमा बस्नु नै यो भाइरस नियन्त्रणका लागि अचुक उपाय भएको उनीहरुले बताएका छन् । इटाली, स्पेन र अमेरिकाले यो कुरालाई हलुका रुपमा लिदा आज उक्त महासंकटले ठुलो बिनाश निम्त्याएको उनीहरुको निष्कर्ष रहेको छ । 

 

• World-social-distancing