सुन तस्करीबारे छानबिन गर्न संसदीय समिति गठन गर्नुपर्ने एमालेको माग

काठमाडौँ। प्रमुख प्रतिपक्षी दल नेकपा एमालेले सुन तस्करी प्रकरणबारे संसदीय छानबिन समिति गठन गर्न माग गरेको छ। बुधबार बसेको प्रतिनिधिसभा बैठकमा एमालेले सुन तस्करी प्रकरणमा मन्त्रीहरूकै संलग्नता देखिएको भन्दै उच्च स्तरीय छानबिन समितिको माग गरेको हो।

एमालेका प्रमुख सचेत पदम गिरीले पछिल्लो एक वर्षदेखि सुन तस्करीकै लागि विमानस्थलको सुरक्षा व्यवस्था कमजोर बनाइएको आरोप लगाए। उनले तीन महिना अघि सञ्चालन गरिएको रेडी ट्रेड कम्पनीले हालसम्म २० क्विन्टल सुन नेपाल भित्र्याएको भन्दै छानबिन समितिको माग गरे।

प्रमुख सचेतक गिरीले पछिल्लो पटक भएको क्विन्टल सुन तस्करीबारे प्रधानमन्त्री पुष्पकमल दाहाल प्रचण्डलाई समेत सूचना रहेको दाबी गरे।