पोल्याण्डले बेलारुसको सीमामा सेना पठायो

एजेन्सी । रुस र युक्रेनबीचको युद्धको दायरा बढ्दै गएको छ । हाल छिमेकी राष्ट्रहरू पनि युद्धको तातोमा जल्न थालेका छन् । नेटो संगठनको देश पोल्याण्डको सेनाले बेलारुससँग जोडिएको आफ्नो देशको पूर्वी सिमानामा सेना पठाएको छ । बेलारुस रूसको नजिकको सहयोगी हो। पोल्याण्डले बेलारुसका दुईवटा हेलिकप्टरले आफ्नो हवाई क्षेत्र उल्लंघन गरेको बताएको छ । यो घटनापछि तनाव बढेको छ ।

बेलारुस रूसको धेरै नजिकको साझेदार भएको छ। रूसले भर्खरै बेलारुसलाई आणविक बम दिएको छ र लुकासेन्कोले वाग्नर विद्रोहीहरूको नाम लिएर धेरै पटक चेतावनी दिएका छन्।

यसैबीच, बेलारुसको सेनाले यस्तो हवाई अतिक्रमणको घटनालाई अस्वीकार गर्दै पोल्याण्डले आफ्नो सेना तैनाथ गर्नुको कारण देखाउन यस्तो आरोप लगाएको बताएको छ।

यसअघि बेलारुसका तानाशाहले पोल्याण्डलाई गाली गर्दै रुसका वाग्नर लडाकु पोल्याण्डको सिमाना नजिक रहेको बताएका थिए । यसपछि पोल्याण्डको रक्षा मन्त्रालयले लडाकु हेलिकप्टरलगायत थप सेना र स्रोतहरू पठाउने बताएको छ।