एएफसी कप अन्तर्गत आज मछिन्द्रले पारो एफसीसँग प्रतिस्पर्धा गर्दै

काठमाडौँ। एएफसी कप अन्तर्गत आज मछिन्द्र फुटबल क्लबले आज भुटानी क्लब पारो एफसीसँग प्रतिस्पर्धा गर्दैछ। ‘ए’ डिभिजन लिग च्याम्पियनले एएफसी कप खेल्न मौका पाउने भएपनि च्याम्पियन चर्च ब्वाइजसँग एएफसी लाइसेन्स नभएका कारण मछिन्द्रले अवसर पाएको हो।

खेल साँझ ५ः३० बजे त्रिपुरेश्वरस्थित दशरथ रंगशालामा हुनेछ। मछिन्द्र लिगको उपविजेता हो। मंगलबारको खेल जित्ने टोलीले १६ अगस्टमा भारतको मोहन बगान सुपर जायन्टसँग दोस्रो चरणको खेलका लागि प्रतिस्पर्धा गर्न पाउने छ।

खेलमा जित निकाल्न आफूहरु तयार रहेको मछिन्द्रका प्रशिक्षक किशोर केसीले बताएका छन्। यसको लागि राम्रा खेलाडीहरू अनुबन्धन गरेको उनको भनाई छ।

त्यस्तै, पारो एफसीका प्रशिक्षक पुष्पलाल शर्माले भुटानमा हाल चलिरहेको प्रिमियर लिगका कारण आफूहरुले राम्रो तयारी गर्न पाएको बताए।