कहिले विवाह गर्दैछन् अभिनेता विजय देवरकोंडा ?

एजेन्सी । पान इन्डियाका सुपरस्टार विजय देवराकोंडा र सामन्थाको फिल्म ‘कुशी’ तेलुगुमा मात्र नभई तमिल, कन्नड, मलायालम र हिन्दी भाषामा पनि रिलिज हुने भएको छ । यस फिल्मको ट्रेलर लञ्चको क्रममा विजयले आफ्नो विवाहको बारेमा ठूलो खुलासा गरेका छन् । सेप्टेम्बर १ मा रिलिज हुने विजयको फिल्म ‘कुशी’ एक प्रेमकथा हो । यो फिल्ममा उनी र सामन्था वैवाहिक जोडी बनेका छन् ।

फिल्मको ट्रेलर हेरेपछि जब विजयलाई उनको विवाहको बारेमा प्रश्न सोधिएको थियो, विवाहको प्रश्नबाट सधैं टाढिने विजय देवरकोंडाले मिडियाको अगाडि ठूलो खुलासा गरेका छन् ।

बिहेको बारेमा कुरा गर्दै विजय देवरकोंडाले भने, ‘मलाई बिहेको नाम आउनुअघि नै रिस उठ्थ्यो । पहिले रिस उठ्थ्यो तर अहिले सोच्न थालेको छु । मलाई लाग्छ अब बिहे गर्नुपर्छ । मेरो बिहे नजिकै छ । अबको २ वर्षमा पक्कै बिहे गर्छु तर अहिले बिहे गर्ने मात्रै सोच आएको छ । छिट्टै केटी पनि खोज्छु ।’