कोशी प्रदेशको मुख्य न्यायाधिवक्तामा कटुवाल नियुक्त

विराटनगर। कोशी प्रदेशको मुख्य न्यायाधिवक्तामा अधिवक्ता बुद्धिबहादुर कटुवाल नियुक्त भएका छन्। मुख्यमन्त्री उद्धव थापाको सिफारिसमा सोमबार प्रदेश प्रमुख पर्शुराम खापुङले कटुवाललाई मुख्य न्यायाधिवक्ता नियुक्त गरेका हुन्।

पूर्वमुख्यमन्त्री हिक्मतकुमार कार्कीको सिफारिसमा मुख्यन्यायाधिवक्ता नियुक्त भएका गजेन्द्र आचार्यले गत असार २२ गते पदबाट राजीनामा दिएका थिए।

मुख्यमन्त्री थापाले नेपालको संविधानको धारा १६० को उपधारा २ बमोजिम कटुवाललाई मुख्य न्यायाधिवक्ता नियुक्तिका लागि सिफारिस गरेका थिए।

प्रदेश सरकारको कानुनी सल्लाहकारका रुपमा मुख्य न्यायाधीवक्ताले काम गर्नुपर्छ। नवनियुक्त मुख्य न्यायधिवक्तामा कटुवालले आज शपथ लिँदै छन्।