सबै ठूला काण्डका फाइल खोलौंः गगन थापा

काठमाडौँ। नेपाली कांग्रेसका महामन्त्री गगन थापाले सबै ठूला भ्रष्टाचारका फाइल खोल्नुपर्ने बताएका छन्। संसदीय दलको बैठकमा सोमबार सम्बोधन गर्दै थापाले यस्तो बताएका हुन्।

महामन्त्री थापाले जुनसुकै दलको भए पनि दोषी छ भने त्यसले छुट पाउन नहुने बताए। आफ्नो अनुकूलतामा कुनै काण्डको फाइल खोल्ने वा खोल्नुपर्छ भनेर माग गर्ने अवस्था बदल्नुपर्ने उनको भनाई छ।

अनुसन्धान गर्दा निर्दोषमाथि अन्याय नहुनुपर्ने तर दोषी छ भने जुनसुकै दलको नेता, सांसद र मन्त्री भए पनि कसैले छुट पाउनु नहुने बताए।