हेलो सरकारको शुभारम्भ, अब २४ सै घण्टा गुनासो गर्न पाइने

काठमाडौँ। सर्वसाधारणको गुनासो सुन्न सरकारले शुरू गरेको ‘हेलो सरकार’ अब २४ सै घण्टा सञ्चालन हुने भएको छ।

प्रधानमन्त्री पुष्पकमल दाहाल प्रचण्डले आइतवार सिंहदरबारमा हेलो सरकारको शुभारम्भ गरेका हुन्।

यो संगै अब टेलिफोन र इन्टरनेटको माध्यमबाट सर्वसाधारणले सरकारी सेवा प्रवाह सम्बन्धमा २४सै घण्टा गुनासो गर्न पाउने भएका छन्। यसअघि यो सेवा दुई सिफ्टमा मात्र सञ्चालन हुने गरेको थियो।