बालेनले हटाए ‘सिंहदरबार जलाइदिने’ स्टाटस

काठमाडौँ। काठमाडौँ महानगरपालिकाका मेयर बालेन शाहले ‘सिंहदरबार जलाइदिने’ भनी सामाजिक सञ्जालमा राखेको स्टाटस हटाएका छन्। उनले सोमबार बिहान उक्त स्टाटस हटाएका हुन्।

शनिबार राति मेयर बालेन शाहले सामाजिक सञ्जालमा ‘आजको लागि केही भएन, भोलिबाट हाम्रो महानगरपालिकाको कुनै पनि गाडी सरकारबाट रोकियो भने सिंहदरबारमा आगो लगाइदिन्छु। याद राख चोर सरकार,’ भन्दै सामाजिक संजालमा पोस्ट गरेका थिए। तर, बालेनका उक्त अभिव्यक्तिपछि चर्को आलोचना भएको थियो।

बालेनकी श्रीमती सवार गाडीलाई प्रहरीले रोकेपछि उनले उक्त स्टाटस लेखेका थिए। तर, अहिले सो स्टाटस हटेको छ।