एकीकृत समाजवादीका उपमहासचिव जगन्नाथ खतिवडालाई मातृशोक

काठमाडौँ। नेकपा एकीकृत समाजवादीका उपमहासचिव तथा प्रचार विभाग प्रमुख जगन्नाथ खतिवडालाई मातृशोक परेको छ।

उनकी माता मालती खतिवडाको ८० वर्षको उमेरमा मंगलबार बिहान उपचारको क्रममा टिचिङ अस्पताल महाराजगञ्जमा निधन भएको हो।

ब्रेनस्टोकबाट पीडित खतिवडा केही सातादेखि उपचाररत थिइन्। उनका एक छोरा र तीन छोरी छन्। उनको मंगलबार दिउँसो १२ बजे पशुपति आर्यघाटमा अन्त्येष्टि गरिने पारिवारिक स्रोतले जनाएको छ।