कांग्रेस सहमहामन्त्री यादवमाथि खुकुरी प्रहार

काठमाडौँ। नेपाली कांग्रेसका सहमहामन्त्री महेन्द्र यादवमाथि खुकुरी प्रहार भएको छ।

बुधबार रिपोर्टर्स क्लब नेपालको साक्षात्कारमा सहभागी भएर निस्किने क्रममा यादवमाथि खुकुरी प्रहार भएको हो। घाइते यादवलाई उपचारको लागि ट्रमा सेन्टरमा पुर्याईएको छ।

उनीमाथि नुवाकोटका श्याम सापकोटाले खुकुरी प्रहार गरेका हुन्। खुकुरी प्रहार गर्ने सापकोटालाई प्रहरीले नियन्त्रणमा लिएको छ।