‘म अझै २० वर्ष सक्रिय रहन्छु तर सक्रिय रहेकै बेला नेतृत्व हस्तान्तरण गर्ने योजना समेत बनाएको छु’

काठमाडौँ । नेकपा एमालेका अध्यक्ष केपी शर्मा ओलीले आफू अझै २० वर्ष सक्रिय रहने बताएका छन् । ‘बा सँग बालबालिका’ कार्यक्रममा उनले उक्त धारणा व्यक्त गरेका हुन् ।

किशोर किशोरीहरुका प्रश्नको जवाफ दिने क्रममा उनले भने, ‘म अझै २० वर्ष सक्रिय रहन्छु । तर, सक्रिय रहेकै बेला नेतृत्व हस्तान्तरण गर्ने योजना समेत बनाएको छु । म नेतृत्व ओगटेर बस्दिन । आफू सक्रिय रहेकै बेला योग्य व्यक्तिलाई कार्यभार सुम्पिएर देश चलाउन सहयोग गर्छु ।’

उनले अगाडि भने, ‘मेरो अनुपस्थिति अझै २० वर्ष हुँदैन । म पहिले अलि बिरामी थिएँ अहिले ठिक छु । दोस्रोपटक प्रत्यारोपण गरेको किड्नीले राम्रोसँग काम गरिरहेको छ ।’