कांग्रेस केन्द्रीय समिति बैठकमा महामन्त्री थापाले प्रस्तुत गरे प्रगति विवरण

काठमाडौँ। नेपाली कांग्रेसको केन्द्रीय समिति बैठकमा महामन्त्री गगनकुमार थापाले प्रगति विवरण प्रस्तुत गरेका छन्। पार्टी कार्यालय सानेपामा बसेको बैठकमा महामन्त्री थापाले प्रगति विवरण प्रस्तुत गरेका हुन्।

महामन्त्री गगन थापाले अघिल्लो बैठकमा गरेका निर्णयहरू कार्यान्वयनको अवस्थासहित आगामी कार्ययोजनाका बारेमा जानकारी गराए। उनले यसअघिको बैठकबाट भदौ १५ भित्र विभाग बनाउने निर्णय भएकोमा अहिलेसम्म १६ विभाग बनेको र ५४ विभाग बन्न बाँकी रहेको जानकारी दिए।

गठन भएका १६ विभागमध्ये प्रचार विभागको मात्र विस्तार भएको भन्दै अन्य विभागको विस्तार बाँकी रहेको बताए। यसैगरी नेपाली कांग्रेसका केन्द्रीय प्रतिनिधिहरू विभिन्न जिल्लामा गएको भन्दै सबैका प्रतिवेदन आइसकेको बताएका छन्।

उनले अब सबै प्रतिवेदन राखेर प्रदेशवाइज छलफल गर्ने तयारी रहेको बताउँदै आवश्यक सुझावका लागि तयार हुन आग्रह गरेका छन्।