एजेन्सी । साउदी प्रो लिग अन्तर्गत पोर्चुगिज स्टार क्रिस्टियानो रोनाल्डो आवद्ध अल नासरले रोमाञ्चक जित निकालेको छ ।
शुक्रबार केएसयु फुटबल फिल्डमा भएको खेलमा नासरले अल अहिललाई ४–३ गोलले पराजित गरेको हो । खेलको चौंथो मिनेटमा नै रोनाल्डोले गोल गर्दै नासरलाई सुरुवाती अग्रता दिलाए । १७ औं मिनेटमा तलिस्काले गोल गर्दै नासरको अग्रता दोब्बर पारे ।
यता, ३० औं मिनेटमा फ्रान्क केसेइले गोल गर्दै अहिलको अग्रता घटाउँदै १–२ मा ल्याए । तर, पहिलो हाफको इन्जुरी समयमा तलिस्काले व्यक्तिगत दोस्रो तथा टोलीका लागि तेस्रो गोल गर्दै नासरलाई ३–१ गोलले अघि बढाए । ५० औं मिनेटमा अहिलले पेनाल्टी पायो । त्यसलाई रियाद माहरेजले खेर जान दिएनन् ।
उनले अग्रता २–३ काृ स्थितीमा ल्याए । ५२ औं मिनेटमा रोनाल्डोले व्यक्तिगत दोस्रो तथा टोलीका लागि चौथो गोल गर्दा नासर ४–२ ले अघि बढ्यो । यता, ८७ औं मिनेटमा फेरास अलव्रिकनले अहिलका लागि तेस्रो गोल गरेपनि टोलीको हार टार्न सकेनन् ।
यो नतिजासँगै अल नासर ७ खेलबाट १५ अंकका साथ तालिकाको पाँचौं स्थानमा छ । समान खेलबाट समान अंक रहेपनि जीडीका कारण अहिल छैटौं स्थानमा छ ।
