विराटनगर। नेकपा एमालेका अध्यक्ष केपी शर्मा ओलीले एमाले मध्यावधि निर्वाचनमा जान नडराउने बताएका छन्। मंगलवार विराटनगर विमानस्थलमा संचारकर्मीहरुसँग कुराकानी गर्दै अध्यक्ष ओलीले यस्तो बताएका हुन्।
कोशी प्रदेश सरकारलाई मिलेर अगाडि बढ्न दललाई उनले आग्रह समेत गरे। अहिले मध्यावधि तर्फ जानु उचित नभएको समेत उनको भनाई थियो। मध्यावधि गए अरू दलको सिट घट्ने बताउदै उनले आफूहरुले ४० सिट जितेकोमा मध्यावधिमा गए १५ सिट बढाउने दाबी गरे।
‘एमाले मध्यावधिमा जान डराउदैन। तर अहिले राज्यको खर्च हुने भएकाले जानु उचित हुँदैन,’ उनले भने, ‘देशमा कांग्रेस कहाँ छ? घोच्दा दुख्छ दुख्दैन भनेर कांग्रेसका नेताहरूलाई सोध्नु उ बिचरा कांग्रेसका नेताहरू। राजनीतिक गर्ने पाटीले बोल्नु पथ्र्यो। तर उ बोल्दैन, बोल्ने हविगत पनि छैन।
प्रधानमन्त्री पुष्पकमल दाहाल प्रचण्डको चीन भ्रमण उपलब्धि मूलक नभएको समेत दाबी गरे।
फरक प्रसङ्गमा ओलीले साम्प्रदायिक विद्वेयस फैलाउने काम भइरहेको बताए।
