उपराष्ट्रपति यादव अस्पताल भर्ना

काठमाडौँ। उपराष्ट्रपति रामसहायप्रसाद यादव अस्पताल भर्ना भएका छन्। डेंगी संक्रमण भएपछि उपराष्ट्रपति यादव अस्पताल भर्ना भएका हुन्।

उनको स्वास्थ्य निगरानीका लागि बुधबार बेलुकादेखि मिनभवनस्थित सिभिल अस्पतालमा भर्ना गरिएको हो।

उनको अवस्था अहिले स्थिर रहेको उपचारमा संलग्न चिकित्सक तथा अस्पतालका मेडिकल डाइरेक्टर डा. विदेश विष्टले जानकारी दिए। विष्टका अनुसार उनको स्वास्थ्य सुधारोन्मुख छ।