सत्ता गठबन्धनलाई थप बलियो बनाउन प्रचण्ड, देउवा र कोइरालाबीच लिखित सहमति

काठमाडौँ । प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र वरिष्ठ नेता शेखर कोइरालाबिच भेटवार्ता भएको छ ।

कोशी प्रदेशमा नयाँ सरकार गठनका क्रममा देखिएको समस्याप्रति प्रधानमन्त्री प्रचण्डले देउवा र कोइरालासँग गम्भिर छलफल गरेको बताइएको छ ।

कोशी सरकार गठन प्रक्रियाले केन्द्रको सत्ता गठबन्धनमा समस्या नआउने सहमति गरिएको छ ।

छलफलमा कोशी प्रदेशमा सत्ता गठबन्धनकै सरकार सञ्चालन गर्न सहमत हुनुका साथै नेपाली कांग्रेस, माओवादी केन्द्रसहितका दलहरूको वर्तमान संयुक्त गठबन्धनप्रति थप दृढ र स्पष्ट रहेको प्रष्ट पार्दै यो गठबन्धनलाई कुनै पनि हालतमा कमजोर हुन नदिने लिखित प्रतिबद्धता व्यक्त गरिएको छ ।