नेपाललाई पाँचौं सफलता

काठमाडौँ। त्रिदेशीय शृङ्खलाको पहिलो खेलमा नेपालले यूएईविरुद्ध पाँचौं विकेट लिएको छ।

मुलपानीस्थित माथिल्लो मुलपानी क्रिकेट मैदानमा टस जितेर फिल्डिङमा आएको नेपालले पाँचौ विकेट लिएको हो। १६.१ ओभरमा करण केसीले अली नासिरलाई आउट गरेका हुन्।

यसअघि ८.४ ओभरमा गुल्सन झाले आसिफ खानलाई, ६.१ ओभरमा गुल्सन झाले मोहम्मद वासिमलाई आउट गरेका हुन्।

त्यस्तै, ३.१ ओभरमा करण केसीले सारुफलाई तथा पहिलो ओभरको अन्तिम बलमा सोमपाल केसीले खालिद शाहलाई आउट गरेका हुन्।

शृङ्खलामा नेपाल, यूएई र हङकङ सहभागी छन्।