काठमाडौँ। नेपालले यूएईलाई ७ विकेटले पराजित गरेको छ। त्रिदेशीय टी– २० सिरिजअन्तर्गत शृङ्खलाको पहिलो खेलमा यूएईले नेपाललाई पराजित गरेको हो।
मुलपानी मैदानमा नेपालले टस जितेर बलिङ रोजेपछि पहिले ब्याटिङ गरेको युएईले २० ओभरमा ७ विकेटको क्षतिमा १४० रन जोडेको थियो। जवाफी ब्याटिङ गरेको नेपालले १८.५ ओभरमा ३ विकेट गुमाउँदै जित दर्ता गरेको हो।
नेपालको लागि कप्तान रोहित पौडेलले अर्धशतक बनाए। उनले ४० बलको सामना गर्दै अविजित रहँदै ५१ रन जोडे। दीपेन्द्र सिंह ऐरी पनि अविजित रहँदै ३४ रन जोडे। त्यस्तै, मोहम्मद वासिमबाट आउट भएका आशिफ शेखले २३ रन, निलान्स केश्वानीबाट आउट भएका कुशल भुर्तेलले १४ रन तथा अली नासिरबाट आउट भएका कुशल मल्लले ११ रन जोडे।
यसअघि ब्याटिङ गरेको युएईका लागि बासिल हमीदले अर्धशतक प्रहार गरे। उनले १ चौका र ४ छक्का प्रहार गरेर ५१ रन जोडे। यस्तै, अली नासीरले ३२ रन जोडे। ५२–४ को अवस्थाबाट यी दुईले पाँचौँ विकेटका लागि ५६ रनको साझेदारी गरे। कप्तान मुहम्मद वसिमले १७ र आसिफ खानले १५ रन बनाए।
बलिङमा नेपालका करण केसीले ३ विकेट लिए। उनले ४ ओभरमा १९ रन खर्चिए। यस्तै गुल्सन झाले २ विकेट लिए। उनले ३ ओभरमा ११ रन खर्चिए। अभिनास र सोमपाल कामीले १–१ विकेट लिन सफल भए।
