काठमाडौँ । त्रिकोणत्मक टि २० सिरिजको फाइनल खेलमा युएईले नेपाललाई ४ विकेटले पराजित गर्दै उपाधि जितेको छ ।
टस हारेर व्याटिङको निम्तो पाएको नेपालले युएईलाई १६३ रनको लक्ष्य दिएको थियो ।
यूएईले ६ विकेटको क्षतिमा १६३ रन बनायो ।
यूएईका लागि ओपनर व्याट्सम्यान मोहम्मद वासिमले ४५ रनको योगदान गरे । अर्का ओपनर आर्यान्श शर्माले २५ रन जोडे ।
आसिफ खानले ७ रन, अलिशान सराफु १३ रन जोडे । बासिल हमिद र आयान अफजल खानले अविजित रहँदै यूएईलाई जित दिलाउन सफल भए ।
हमिदले १६ बलमा २२ र आयनले ३ बलमा ५ रन जोडे ।
नेपालका लागि गुल्शन झा र अविनाशले दुईदुई विकेट लिन सफल भए । कुशल मल्लले एक विकेट लिए ।
नेपालका लागि कुशल भूर्तेलले ५० रन जोडे । उनले २९ बलमा ५० रन बनाउन सफल भएका थिए ।
नेपालका लागि दिपेन्द्र सिंह ऐरीले २०, रोहित पौडेलले १८, करण केसीले २३ तथा सन्दीप जोराले १० रन तथा सोमपाल कामीले १३ रन जोडेका थिए
