अब चेकजाँचमा नागरिक एपमार्फत लाइसेन्स देखाउन मिल्ने

काठमाडौँ। अब चेकजाँचमा नागरिक एपमार्फत आफ्नो सवारी चालक अनुमतिपत्र (लाइसेन्स) देखाउन मिल्ने भएको छ। नेपाली नागरिकले ट्राफिक नियम उल्लंघन नगरी सवारी चलाउँदा चेकजाँचको बखतमा नागरिक एपमार्फत लाइसेन्स देखाउन मिल्ने सुविधा सुरु भएको हो।

यसअघि नागरिक एपमार्फत लाइसेन्स देखाउँदा मान्यता नदिएको भए पनि अब भने एपमा रहेको लाइसेन्सले काम गर्ने भएको नागरिक एपको फेसबुकमा उल्लेख छ।

यो व्यवस्था सोमबारदेखि कार्यान्वयनमा आएको हो। यो सुविधा लिनको लागि एपमा लाइसेन्स लिंक गर्नसमेत आग्रह गरिएको छ।