मेसीलाई कीर्तिमानी आठौं पटक बालोन डी’ओर अवार्ड

एजेन्सी । अर्जेन्टिनी स्टार फुटबलर लियोनल मेसीले फुटबलको सर्वाधिक प्रतिष्ठित अवार्ड बालोन डी’ओरको अवार्ड जितेका छन् ।

फ्रान्सको पेरिसमा सम्पन्न अवार्ड समारोहमा मेसीलाई अवार्ड प्रदान गरिएको हो । ३६ वर्षीय मेसीले कीर्तिमानी आठौं पटक अवार्ड जित्न सफल रहे ।

मेसीकै कप्तानीमा तथा सानदार प्रदर्शनमा अर्जेन्टिनाले फिफा विश्वकप जितेको थियो ।

हाल अमेरिकन क्लब इन्टर मियमीमा आवद्ध रहेका मेसीले यसअघि २००९, २०१०, २०११, २०१२, २०१५, २०१९ र २०२१ मा यो अवार्ड जितेका थिए ।