सेभियाले जित्यो युरोपा लिगको उपाधि

एजेन्सी । इटालियन क्लब रोमालाई पेनाल्टी सुटआउटमा पराजित गर्दै युरोपा लिगको उपाधि स्पेनिस क्लब सेभियाले जित्न सफल भएको छ । गएराति भएको फाइनल खेलमा निर्धारित ९० मिनेटको खेल एकएक गोलको बराबरीमा सकिएको थियो ।

रोमालाई पाब्लो ड्याबलाले गोल गर्दै अग्रता दिलाएका थिए । तर, खेलको ५५ औँ मिनेटमा म्यानसिनीले आत्मघाती गोल गर्दा खेल एकएक गोलको बराबरी हुन पुग्यो । त्यसपछि एकएक गोलको बराबरीमा सिमित भएको खेल एक्स्ट्रा समयमा गएको थियो ।

सो समयमा पनि कुनै पक्षले गोल गर्न सकेनन् । त्यसपछि खेल पेनाल्टी सुटआउटमा पुगेको थियो ।

रोमा दुई जना खेलाडी पेनाल्टी गर्न चुके भने सेभियाका चारै जनाले गोल गरे ।

योसँगै फाइनलमा सेभियाको अपराजित यात्रा कायम नै रहेको छ । युरोपा लिगको फाइनल हालसम्म सेभियाले गुमाएको छैन ।