नेपाललाई ओमानले १४६ रनको लक्ष्य दियाे

काठमाडौँ । टी–२० विश्वकप एसिया छनोट फाइनलमा नेपाललाई ओमानले १४६ रनको लक्ष्य दिएको छ । त्रिवि क्रिकेट मैदान,कीर्तिपुरमा भएको खेलमा ओमानले निर्धारित २० ओभरमा १४५ रन बनाएको हो । नेपालले केही समयपछि व्याटिङ गर्नेछ ।

ओमानका लागि कप्तान जिसन मक्सदले सर्वाधिक ३२ रन जोड्न सफल भए । त्यस्तै नसिम खुसीले २५ रन जोडे भने, प्रतीक अथावालेले २४ रन जोडे ।

सकिल अहमेदले २२ रनको योगदान गरे ।

नेपालका लागि करण केसीले ३ विकेट लिन सफल भए । त्यस्तै सोमपाल कामी र सन्दीप लामिछानेले दुईदुई विकेट लिए ।

गुल्शन झा र अविनाश बोहोराले एकएक विकेट लिए ।