काठमाडौँ। नेपालले पहिलो विकेट गुमाएको छ। आइसिसी टि२० विश्वकप एसिया क्षेत्र फाइनल छनोटको सेमिफाइनल अन्तर्गत नेपाल र संयुक्त अरब इमिरेट्स (यूएई) बीच प्रतिस्पर्धामा ओपनर कुशल भुर्तेल आउट भएका हुन्।
२.६ ओभरमा निलान्स केश्वानीले भुर्तेललाई आउट बनाएका हुन्। भुर्तेलले २ चौकाको मदतमा जम्मा ११ रन बनाए।
माथिल्लो मुलपानी क्रिकेट मैदानमा जारी खेलमा युएईले नेपालसामु १३५ रनको लक्ष्य दिएको छ। टस जितेर ब्याटिङ थालेको युएईले निर्धारित २० ओभरमा ९ विकेटको क्षतिमा १३४ रन जोडेको हो। युएईका लागि भृत्य अरविन्दले सर्वाधिक ६४ रनको योगदान दिए। ५१ बल खेलेका उनले ८ चौका र २ छक्का प्रहार गरे । यस्तै, मुहम्मद वासिमले १६ बलमा २६ रन, अलिशान सराफुले १४ बलमा १६, आसिफ खानले १४ बलमा १३ रन जोडे।
बलिङतर्फ नेपालका लागि कुशल मल्लले तीन तथा सन्दीप लामिछानेले दुई विकेट लिए भने अविनाश बोहरा, सोमपाल कामी, रोहित पौडेलले एक–एक विकेट लिए ।
यो खेलको विजेताले २०२४ को टि२० विश्वकपमा स्थान बनाउनेछ।
