एनआरएनएले भूकम्पपीडितलाई १० लाख सहयोग गर्ने

जाजरकोट । गएराति जाजरकोट केन्द्रविन्दु बनाएर गएको भूकम्पमा परी घाइते भएकाहरुको सहयोगका लागि गैरआवासीय नेपाली संघले १० लाख रुपियाँ सहयोग गर्ने घोषणा गरेको छ ।

संघले शनिबार विज्ञप्ति जारी गर्दै सो सहयोग घोषणा गरेको हो ।

भूकम्पमा परी ज्यान गुमाएकाहरुप्रति श्रद्धाञजलि व्यक्त गर्दै संघले घाइतेहरुको शीघ्र स्वास्थ्यलाभको कामना पनि गरेको छ । संघका अध्यक्ष बद्री केसी र महासचिव गौरीराज जोशीको संयुक्त हस्ताक्षरमा जारी विज्ञप्तिमा भनिएको छ, “यस कठिन घडीमा गैरआवासीय नेपाली संघ भूकम्प प्रभावित क्षेत्रमा उद्धार, राहत र पुनरनिर्माणमा सरकारसँग सहकार्य गर्न तत्पर रहेको जानकारी गराउँदै संघको तर्फबाट पहिलो चरणमा सरकारको कोषमा तत्काल १० लाख रुपियाँ सहयोग गर्ने प्रतिवद्धता व्यक्त गर्दछौं ।”