एजेन्सी । विश्वकप–२०२३ को ३५ औं खेल पाकिस्तान र न्युजिल्यान्डबीच भइरहेको छ । यो खेल बैंगलोरको एम चिन्नास्वामी स्टेडियममा भइरहेको छ ।
पाकिस्तानले टस जितेर पहिले बलिङ गर्ने निर्णय गरेको थियो ।
पहिले ब्याटिङको निम्तो पाएको न्युजिल्याण्डले निर्धारित ५० ओभरमा ६ विकेट गुमाएर ४ सय १ रन बनाएको छ ।
युवा ब्याट्सम्यान रचिन रविन्द्रले १०८ रन बनाए ।
यो विश्वकपमा उनको तेस्रो शतक हो । कप्तान विलियम्सनले पनि ९५ रनको इनिङ खेले ।
सेमिफाइनल पुग्न दुवै टोलीका लागि यो खेल महत्वपूर्ण छ । यो खेलमा हार्ने टोली सेमिफाइनलको दौडबाट बाहिर हुनेछ ।
प्रतियोगितामा दुवै टोलीले ७–७ खेल खेलेका छन् ।
पाकिस्तानले ३ खेल जितेको छ भने न्युजिल्यान्डले ४ खेल जितेको छ ।
८ अंकसहित न्युजिल्याण्ड अंक तालिकाको चौथो स्थानमा छ ।
पाकिस्तान ६ अंकसहित छैटौं स्थानमा छ ।
