इंग्ल्याण्डद्वारा नेदरल्यान्ड्स १६० रनले पराजित

एजेन्सी । यो पटकको विश्वकपमा खराब खेल प्रदर्शन गरेको इंग्ल्याण्ड क्रिकेट टोलीले लगातारको पाँच खेलको हारपछि जित हात पारेको छ । २९ दिनको प्रतिक्षा र लगातार ५ खेलमा हार बेहोरेको जोस बटलरको टोलीले आठौं खेलमा नेदरल्यान्ड्सलाई १६० रनले पराजित गरेको हो ।

बेन स्टोक्सको शानदार शतकको आधारमा इंग्ल्याण्डले यस खेलमा पहिले ब्याटिङ गर्दै ३३९ रनको बलियो स्कोर बनाएको थियो ।

नेदरल्यान्ड्स मात्र १७९ रनमा अलआउट हुन पुग्यो ।

विश्वकपको दौडबाट बाहिरिएको इंग्ल्याण्डको टोलीका लागि यो जित निकै महत्वपूर्ण छ।

यदि इंग्ल्याण्ड २०२५ च्याम्पियन्स ट्रफीका लागि छनोट हुन चाहन्छन् भने विश्वकपको अंक तालिकाको शीर्ष ८ मा पर्न आवश्यक छ।