एन्फा विशेष साधरणसभाः अध्यक्ष नेम्वाङमाथिकाे अविश्वास प्रस्तावमा मतदान सुरु

काठमाडौँ। हेटौँडामा जारी अखिल नेपाल फुटबल संघ (एन्फा)को विशेष साधारण सभामा अध्यक्ष पंकजविक्रम नेम्वाङविरुद्ध अविश्वास प्रस्तावमाथि मतदान सुरु भएको छ।

रोयल पार्टी प्यालेसमा भएको मतदानमा असन्तुष्ट पक्षले भने सहभागिता जनाएको छैन। विरोधका बावजुद उनीहरुले मतदान नगर्ने निर्णय लिएका हुन्।

एक वर्षअघि मात्रै निर्वाचित भएका अध्यक्ष पंकजविक्रम नेम्वाङले अविश्वासको प्रस्तावको सामना गर्दैछन्। उनी एन्फा इतिहासमा अविश्वासको प्रस्ताव पर्ने पहिलो अध्यक्ष हुन्।

असोज १७ गते बसेको एन्फाको आपतकालिन बैठकले बर्खास्तगीको प्रस्ताब सामना गर्न मकवानपुरको साधारण सभा बोलाएको हो। जुन कार्यसमिति बैठक पनि विवादरहित हुन सकेन। बहुमत १२ सदस्यले कार्यसमिति बैठक बहिस्कार गरेका थिए।