मेयर बालेन भन्छन्ः टिकटक बन्द गर्नु समाधान होइन

काठमाडौँ । काठमाडौं महानगरपालिकाका प्रमुख बालेन्द्र शाह (बालेन) ले टिकटक बन्द गर्नुभन्दा पनि यसलाई नियमन गर्नुपर्ने बताएका छन् ।

सोमबार बसेको मन्त्रीपरिषद्को बैठकले टिकटक नेपालमा बन्द गर्ने निर्णय गरेसँगै यसबारे प्रतिक्रिया आइरहेको छ । सरकारले गरेको उक्त निर्णयबारे मेयर शाहले प्रतिक्रिया दिएका हुन् ।

उनले सामाजिक सञ्जाल फेसबुकमा लेखेका छन्, ‘नेपाल सरकारलाई मेरो अनुरोध टिकटक मात्र हैन अन्य सामाजिक सञ्जालहरूलाई अनुगमन, नियममा ल्याउनु प्रयास गर्नुहोला करको दायरामा ल्याएर गलत गर्ने कुरालाई सेन्सर गर्ने आफ्नो संयन्त्र विकास गर्नुहोला । बन्द समाधान हैन। यो बन्दलाई टिकटकसँग नियमन गर्नलाई दरो आधार बनोस्, मर्यादित भएर फेरि टिकटक चलाउन पाइयोस्।’