एजेन्सी । अष्ट्रेलियाले आईसिसी एकदिवसीय क्रिकेट विश्वकप–२०२३ को उपाधि जित्यो । आइतबार अहमदाबादमा भएको फाइनलमा भारतलाई ६ विकेटले पराजित गर्दै अष्ट्रेलियाले विश्वकपको उपाधि चुमेको हो ।
अष्ट्रेलिया योसँगै छैटौँ पटक विश्वविजेता बनेको छ । अष्ट्रेलियाले यसअघि सन् १९८७, सन् १९९९, सन् २००३, सन् २००७ र सन् २०१५ मा उपाधि चुमेको थियो ।
यो खेलपछि भारतका दिग्गज ब्याट्सम्यान विराट कोहलीलाई प्लेयर अफ द टुर्नामेन्टको अवार्ड दिइएको थियो ।
कोहली विश्वकपमा प्लेयर अफ द टुर्नामेन्टको उपाधि जित्ने भारतका तेस्रो खेलाडी हुन् । यसअघि सन् २००३ मा सचिन तेन्दुलकर र २०११ मा युवराज सिंहले यो अवार्ड जितेका थिए । जसमध्ये सचिन तेन्दुलकर फाइनलमा पराजित भएको टिमका सदस्य थिए ।
टोलीमा पूर्व कप्तान विराट कोहलीले एन्कर ब्याट्सम्यानको भूमिका निर्वाह गरे । यही कारण हो कि टीम इन्डियाले मध्य ओभरमा धेरै विकेट गुमाउनु परेन । विराटको फर्म हेर्न लायक छ र उनले ९५.६२ को औसतमा ७६५ रन बनाए, जुन विश्वकपको इतिहासमा सर्वाधिक हो । यस अवधिमा उनले तीन शतक र ६ अर्धशतक प्रहार गरे । यो विश्वकपमा कोहलीको उत्कृष्ट स्कोर ११३ रन हो ।
